ଭୁବନେଶ୍ୱର,୭।୩: ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ସନ୍ସାଇନ ହସ୍ପିଟାଲ ଲକ୍ଷ୍ମୀସାଗର, ଭୁବନେଶ୍ୱରକୁ ଆଉ ଏକ ବିରଳ ଅସ୍ତ୍ରୋପଚାରର ସଫଳତା ମିଳିଥିବା ଜଣାପଡ଼ିଛି। ଏପରିକି ଇଣ୍ଡୋ-ତୁର୍କୀ-କୋରିଆନର ମିଳିତ ଭାଗୀଦାରିରେ ବିଏସ୍ଇସିଓଏନ୍-୧ ଅତ୍ୟାଧୁନିକ ମେରୁଦଣ୍ଡ ବାଇପୋର୍ଟାଲ, ଏଣ୍ଡୋସ୍ପାଇନ ଲେଜର ଅସ୍ତ୍ରୋପଚାର ସଫଳତାର ସହ କରାଯାଇଛି। ଏହି ପରିପ୍ରେକ୍ଷୀରେ ସନ୍ସାଇନ ହସ୍ପିଟାଲ ପକ୍ଷରୁ ସୋମବାର ଏକ ଖବରଦାତା ସମ୍ମିଳନୀର ଆୟୋଜନ କରାଯାଇଥିଲା। ହସ୍ପିଟାଲର ଡିଏମ୍ଏସ୍ ପି.ଆର୍.ସ୍ବାଇଁ, ଡା ରୋଶନ ସାହୁ, ବ୍ରିଗେଡିୟର ପ୍ରଫେସର ଡା. ପି.କେ.ସାହୁ, ଡା. ଆତ୍ମାରଞ୍ଜନ ଦାଶ, ଡା ପି.କେ. ଜେନାଙ୍କ ସମେତ ଅୟସକାନ୍ତ ମହାନ୍ତି ପ୍ରମୁଖ ଉପସ୍ଥିତ ଥିଲେ। ବାଇପୋର୍ଟାଲ ଏଣ୍ଡୋସ୍ପାଇନ ବିଭାଗୀୟ ମୁଖ୍ୟ ଡା. ଆତ୍ମାରଞ୍ଜନ ଦାଶ କହିଥିଲେ, ଏହି ଅତ୍ୟାଧୁନିକ ଅସ୍ତ୍ରୋପଚାର ସନ୍ସାଇନର ଉପଲବ୍ଧ ହେଉଛି। ଲେଜର ଅସ୍ତ୍ରୋପଚାର ସମ୍ପୂର୍ଣ୍ଣ ଆଧୁନିକ ଏବଂ ଅତି ଉତ୍ତମ ବୋଲି ଜଣାପଡିଛି। ସମସ୍ତ ମେରୁଦଣ୍ଡଜନିତ ସମସ୍ୟା ସହ ଅଣ୍ଟା, ସ୍ପାଇନାଲ କର୍ଡ, ସ୍ପଣ୍ଡିଲାଇଟିସ ଭଳି ରୋଗର ଚିକିତ୍ସା ଲେଜର ବାଇପୋର୍ଟଲ ଅପରେଶନ ପଦ୍ଧତିରେ କରାଯାଉଛି ବୋଲି ସେ ମତପ୍ରକାଶ କରିଛନ୍ତି।
