କୁକୁରମାନଙ୍କୁ କେବଳ ବୁଦ୍ଧିମାନ ପ୍ରାଣୀ ଭାବରେ ବିବେଚନା କରାଯାଏ ନାହିଁ ବରଂ ସବୁଠାରୁ ବୁଦ୍ଧିମାନ ବୋଲି କୁହାଯାଇଥାଏ। ମଣିଷ ସହିତ କୁକୁରମାନଙ୍କର ଏକ ଅଦ୍ଭୁତ ସମ୍ପର୍କ ରହିଛି। ବୁଝାମଣା, ମଧୁର ସମ୍ପର୍କ, ବିଶ୍ୱସ୍ତ ଏବଂ ଏପରିକି କୁକୁରମାନେ ମାଲିକଙ୍କ ପାଇଁ ନିଜ ଜୀବନ ଉତ୍ସର୍ଗ କରିବାକୁ ବି ସର୍ବଦା ପ୍ରସ୍ତୁତ ରହିଥାନ୍ତି।
ଏବେ ଏକ କୁକୁରର ଭିଡିଓ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ମଧ୍ୟ ପ୍ରଶଂସା କରିବାକୁ ପଛାଇବେ ନାହିଁ। Wildlife viral seriesରେ ଏକ ଭିଡିଓ ଶେୟାର କରାଯାଇଛି। ଯାହାକି କୁକୁରମାନଙ୍କ ପ୍ରତି ବିଶ୍ୱାସକୁ ଆହୁରି ବଢ଼ାଇ ଦେଇଛି। @figen ନାମକ ଏକ ଟୁଇଟ୍ର ପେଜ୍ରେ ଶେୟାର ହୋଇଥିବା ଭିଡିଓରେ କୁକୁରଟି ଶୋଷିଲା ଥିବାବେଳେ ଟ୍ୟାପ୍ ଖୋଲିବା ପରେ ପାଣି ପିଇଥିଲା। ଏହା ପରେ ଟ୍ୟାପ୍ ବି ବନ୍ଦ କରି ସେଠାରୁ ଚାଲିଯାଇଥିଲା। କୁକୁରର ଏହି ଭିଡିଓଟିକୁ ୧୦ ଲକ୍ଷରୁ ଅଧିକ ଲୋକ ଦେଖିସାରିଲେଣି।
IQ 3000, so clever! ❤️😂😂pic.twitter.com/w1ryseD1Ef
— Figen (@TheFigen) July 5, 2022
ୟୁଜରମାନେ କୁକୁରର ଏପରି ବୁଦ୍ଧିମାନ କାର୍ଯ୍ୟ ଦେଖି ପ୍ରଶଂସା କରିବାରେ ଲାଗିଛନ୍ତି। କୁକୁରର ଏପରି କାର୍ଯ୍ୟକଳାପ ଲୋକମାନଙ୍କୁ ବହୁତ ପ୍ରଭାବିତ କରିଥିଲା। ଅନେକ ଲୋକ କହିଛନ୍ତି, କୁକୁର କେବଳ ବୁଦ୍ଧିମାନ ନୁହେଁ ବରଂ ପରିବେଶକୁ କିପରି କ୍ଷତିରୁ ରକ୍ଷା କରିବ ତାହା ମଧ୍ୟ ଜାଣେ। ସେଥିପାଇଁ ସେ ପାଣି ଖୋଲା ନ ଦେଇ କାମ ଶେଷ ହେବା ମାତ୍ରେ ଟ୍ୟାପ ବନ୍ଦ କରିବାକୁ ଭୁଲି ନ ଥିଲା। ଅନେକ ଲୋକ ନିଜ ନିଜ ପୋଷା କୁକୁରମାନଙ୍କର ଅଭିଜ୍ଞତା ମଧ୍ୟ ବାଣ୍ଟିଛନ୍ତି।
