ମୁମ୍ବାଇ: ବଲିଉଡ୍ର ଦିବଂଗତ ଅଭିନେତା ଶତ୍ରୁଘ୍ନ ସିହ୍ନାଙ୍କ ଝିଅ ତଥା ଅଭିନେତ୍ରୀ ସୋନାକ୍ଷୀ ନିକଟରେ କିଣିଥିବା ତାଙ୍କ ନୂଆ ଆପାର୍ଟମେଣ୍ଟକୁ ନେଇ ଚର୍ଚ୍ଚାରେ ରହିଛନ୍ତି। କାରଣ ସୋନାକ୍ଷୀ ଗୋଟିଏ ବର୍ଷ ମଧ୍ୟରେ ଦୁଇଟି ଘର କିଣିସାରିଲେଣି। ସୋନାକ୍ଷୀ ମୁମ୍ବାଇର ବାନ୍ଦ୍ରା ଅଞ୍ଚଳରେ ଏହି ଆପାର୍ଟମେଣ୍ଟ କିଣିଛନ୍ତି, ଯାହା ବହୁତ ସୁନ୍ଦର ଏବଂ ମହଙ୍ଗା ଅଟେ। ବାନ୍ଦ୍ରାସ୍ଥିତ ଉଚ୍ଚ ମହଲା ବିଲ୍ଡିଂର ୨୬ତମ ମହଲାରେ ସୋନାକ୍ଷୀ ତାଙ୍କ ନୂଆ ଆପାର୍ଟମେଣ୍ଟ ନେଇଛନ୍ତି। ସୋନାକ୍ଷୀ କିଣିଥିବା ଏହି ବିଳାସପୂର୍ଣ୍ଣ ଆପାର୍ଟମେଣ୍ଟ ବିଷୟରେ ସବୁଠି ଚର୍ଚ୍ଚା।
ସୋନାକ୍ଷୀଙ୍କ ଏହି ନୂଆ ଆପାର୍ଟମେଣ୍ଟ ସମୁଦ୍ର ମୁହାଁ ହୋଇଛି। ଏହାର ଅର୍ଥ ସମୁଦ୍ରର ଅପରୂପ ଦୃଶ୍ୟ ଘରେ ଥାଇ ଦେଖିହେବ। ଏହି ଆପାର୍ଟମେଣ୍ଟଟି ସମୁଦାୟ ୪ ହଜାର ବର୍ଗ ଫୁଟରୁ ଅଧିକ ଜାଗାରେ ବ୍ୟାପିଛି ଏବଂ ଏହାର ଏକ ସୁନ୍ଦର ଟେରସ ଅଛି। ଅଭିନେତ୍ରୀଙ୍କ ନୂଆ ଘରର ମୂଲ୍ୟ ପ୍ରାୟ ୧୧ କୋଟି ଟଙ୍କା ବୋଲି କୁହାଯାଉଛି।