ଗଞ୍ଜାମ,୭ା୭(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ ଓ ହିଞ୍ଜିଳି ବ୍ଲକର ବିଭିନ୍ନ ପଞ୍ଚାୟତ ସରପଞ୍ଚ ଗୁରୁବାର ଗଞ୍ଜାମ ବ୍ଲକ ଗସ୍ତରେ ଆସି ପ୍ରଥମେ ପାଳିବନ୍ଧ ପଞ୍ଚାୟତ କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠ ପରିଦର୍ଶନ କରିଥିଲେ। ସେଠାରେ ଶିଶୁ ପାର୍କ, କଲ୍ୟାଣୀ ମଣ୍ଡପ, ଶୌଚାଳୟ ଆଦି ବୁଲି ଦେଖିବା ପରେ ହୁମା ପଞ୍ଚାୟତ ଯାଇଥିଲେ l ସେଠାରେ ତାଙ୍କୁ ହୁମା ସରପଞ୍ଚ ଜାନକୀ ଦାସ, ସମିତିସଭ୍ୟ ଧ୍ରୁବଚରଣ ପଲାଇ ପ୍ରମୁଖ ପଞ୍ଚାୟତ କାର୍ଯ୍ୟାଳୟଠାରେ ସେମାନଙ୍କୁ ଭବ୍ୟ ସମ୍ବର୍ଦ୍ଧନା ଜଣାଇ ଥଲେ। ପୁଣି ସେଠାରୁ ସୁବଳୟା ଓ ମଲାଡ଼ ପଞ୍ଚାୟତ ଯାଇ ବିଭିନ୍ନ ଉନ୍ନୟନମୂଳକ କାର୍ଯ୍ୟ ବୁଲି ଦେଖିଥିଲେ। ଗଞ୍ଜାମ ଜିଲାର ଦୁଇ ପ୍ରମୁଖ ବ୍ଲକର ପଞ୍ଚାୟତ ଜନପ୍ରତିନିଧିମାନେ ବଟେଶ୍ୱର ପୀଠର ବିଭିନ୍ନ ଉନ୍ନତିମୂଳକ କାର୍ଯ୍ୟ ଦେଖି ଭୂୟସୀ ପ୍ରଶଂସା କରିଥିଲେ। ସରପଞ୍ଚଙ୍କ ପରିଦର୍ଶନ ବେଳେ ଜିଆର୍ଏସ୍ ସଚ୍ଚିଦାନନ୍ଦ ନାୟକ, ପଞ୍ଚାୟତ ନିର୍ବାହୀ ଅଧିକାରୀ ଦିଲ୍ଲୀପ ନାୟକ, ଯୋଗାଣ ସହାୟକ ନବୀନ ସିଂ, ମହିଳା ଗୋଷ୍ଠୀ ସଂଗଠକ ଜଳନ୍ଧର ମହାରଣା, ହୁମା ସରପଞ୍ଚ ପ୍ରତିନିଧି ପୂର୍ଣ୍ଣଚନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ।