ଛତ୍ରପୁର,୨୪।୧୦(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ବାଏପାସ୍ ଜାତୀୟ ରାଜପଥରେ ଗାଡ଼ି ଧକ୍କାରେ ଏକ ଗାଈର ମୃତ୍ୟୁ ଘଟିଥିଲା। ହେଲେ ଏନ୍ଏଚ୍ଏଆଇର ହାଇୱେ ପାଟ୍ରୋଲିଂ ଗାଡ଼ି ପଛପଟେ ଏକ ଦଉଡିରେ ମୃତ ଗାଈକୁ ବାନ୍ଧି ରାଜପଥରେ ଘୋଷାରି ଘୋଷାରି ନେଉଥିବା ଦେଖିବାକୁ ମିଳିଥିଲା । ପରବର୍ତ୍ତୀ ସମୟରେ ଏହି ସମ୍ପର୍କିତ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏନ୍ଏଚ୍ଏଆଇ ହାଇୱେ ପାଟ୍ରୋଲିଂ ଗାଡିରେ ନିୟୋଜିତ ସୁପରଭାଇଜର ଓ ଚାଳକଙ୍କୁ ବିଭାଗ ପକ୍ଷରୁ ବହିଷ୍କୃତ କରାଯାଇଛି। ଏଭଳି ଘଟଣାର ପୁନରାବୃତ୍ତି ହେବ ନାହିଁ ବୋଲି ଏନଏଚ୍ଏଆଇ କର୍ତ୍ତୃପକ୍ଷ ସୂଚନା ଦେଇଛନ୍ତି।