ମୁମ୍ବାଇ: କରୋନା ମହାମାରୀ ସମୟରେ ଲୋକଙ୍କୁ ସହାୟତାର ହାତ ବଢ଼ାଇ ଚର୍ଚ୍ଚାକୁ ଆସିଥିବା ଅଭିନେତା ସୋନୁ ସୁଦ୍ଙ୍କୁ ଲୋକେ ଭଗବାନ ଭଳି ମାନୁଛନ୍ତି। ଏବେ ତାଙ୍କ ଗୁରୁତ୍ୱ ପୂର୍ବାପେକ୍ଷା ଆହୁରି ବଢ଼ିଯାଇଛି। ବର୍ତ୍ତମାନ ପରିସ୍ଥିତିରେ ସୋନୁ କୌଣସି ପ୍ରସଙ୍ଗରେ ନିଜର ମତାମତ ଦେଉଛନ୍ତି, ତେବେ ତାଙ୍କୁ ବହୁତ ଧ୍ୟାନର ସହ ଗ୍ରହଣ ମଧ୍ୟ କରାଯାଉଛି। ଏହି ସମୟରେ ଦେଶର ଅଧିକାଂଶ ଆଲୋଚନା କୃଷକ ଆନ୍ଦୋଳନ ସହିତ ଜଡ଼ିତ। ଏଭଳି ପରିସ୍ଥିତିରେ ସୋନୁ ମଧ୍ୟ ତାଙ୍କ ପ୍ରତିକ୍ରିୟା ରଖିଛନ୍ତି।
ସୋନୁ ଚାଷୀଙ୍କୁ ସମର୍ଥନ କରି ଉତ୍ସାହିତ କରିଛନ୍ତି। କୃଷକଙ୍କ ଗୁରୁତ୍ୱ ବିଷୟରେ ସୋନୁ ଟୁଇଟ୍ କରି ସମଗ୍ର ଭାରତକୁ କହିଛନ୍ତି। ସୋନୁ ଟୁଇଟ୍ କରି ଲେଖିଛନ୍ତି, କୃଷକ ହେଉଛନ୍ତି ହିନ୍ଦୁସ୍ତାନ। ସୋନୁଙ୍କ ଟୁଇଟ୍ ଏବେ ଭାଇରାଲ ହେଉଛି ଏବଂ ତାଙ୍କ ପୋଷ୍ଟକୁ ନେଇ ପ୍ରଶଂସକମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି।