ନୂଆଦିଲ୍ଲୀ,୨୮।୩ : ପୁଣି ଥରେ କେନ୍ଦ୍ର ଉପରେ ଆକ୍ରମଣ କରି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର କହିଛନ୍ତି, ରାଜ୍ୟର ଯୋଜନା ପାଇଁ କେନ୍ଦ୍ର ସରକାର ଟଙ୍କା ଦେଉନାହାଁନ୍ତି। କେନ୍ଦ୍ର ସରକାରଙ୍କ ଉପରେ ୭୦୦୦ କୋଟି ଟଙ୍କା ବାକି ରହିଛି। କେନ୍ଦ୍ର ସରକାରଙ୍କ ଏଭଳି କାର୍ଯ୍ୟକୁ ବିରୋଧ କରି ମୁଁ ଆସନ୍ତାକାଲି ମଧ୍ୟାହ୍ନରୁ ଆମ୍ବେଦକଙ୍କ ପ୍ରତିମୂର୍ତ୍ତି ସମ୍ମୁଖରେ ୪୮ ଘଣ୍ଟିଆ ଧାରଣାରେ ବସିବାକୁ ଯାଉଛନ୍ତି। ଜିଏସଟିକୁ ସମର୍ଥନ କରି ମୁଁ ବଡ଼ ଭୁଲ କରିଛି। ସିଙ୍ଗୁରୁଠାରେ ପଥଶ୍ରୀ ଏବଂ ରାସ୍ତାଶ୍ରୀ ପ୍ରକଳ୍ପର ଲୋକାର୍ପଣ ଅବସରରେ ମମତା ଏଭଳି କହିଛନ୍ତି।
କେନ୍ଦ୍ର ସରକାର ୧୦୦ ଦିନ କାମ ଏବଂ ଓବିସିଙ୍କ ପାଇଁ ଟଙ୍କା ବନ୍ଦ କରି ଦେଇଛନ୍ତି। କିନ୍ତୁ ବର୍ତ୍ତମାନ ସଡକ ନିର୍ମାଣ କାର୍ଯ୍ୟ ୧୦୦ ଦିନ ମଧ୍ୟରେ କରାଯିବ। ଏନେଇ ରାଜ୍ୟ ସରକାରଙ୍କ ଚିନ୍ତା ବଢ଼ିବାରେ ଲାଗିଛି।
ଗଣତନ୍ତ୍ରର ହତ୍ୟାର ମଧ୍ୟ ଉତ୍ତର ଦେବାକୁ ପଡ଼ିବ। ସେ କହିଛନ୍ତି ଯେ ଯଦି କେହି କିଛି କେନ୍ଦ୍ର ସରକାରଙ୍କ ବିରୋଧ କହୁଛନ୍ତି ତେବେ ତାଙ୍କ ପଛରେ ଇଡି ଏବଂ ସିବିଆଇ ଲଗା ଯାଉଛି। ଏହା ନିନ୍ଦନୀୟ କାର୍ଯ୍ୟ। ଏଭଳି ପଦକ୍ଷେପ ଗଣତନ୍ତ୍ର ପାଇଁ ଶୁଭଙ୍କର ନୁହେଁ।