ନୂଆଦିଲ୍ଲୀ,୭।୧୧ : ଦିଲ୍ଲୀର ଚାୱଲା ଅଞ୍ଚଳରେ ୨୦୧୨ ମସିହାରେ ୧୯ ବର୍ଷର ଯୁବତୀଙ୍କୁ ବଳାତ୍କାର ଓ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ୩ ଜଣ ଦୋଷୀଙ୍କୁ ସୁପ୍ରିମକୋର୍ଟ ସୋମବାର ନିର୍ଦ୍ଦୋଷରେ ଖଲାସ କରିଛନ୍ତି।
୧୦ ବର୍ଷ ପୁରୁଣା ଏହି ବଳାତ୍କାର ଓ ହତ୍ୟା ମାମଲା ୩ ଜଣଙ୍କୁ ଦୋଷର ସାବ୍ୟସ୍ତ କରି ଦିଲ୍ଲୀର ଏକ କୋର୍ଟ ମୃତ୍ୟୁଦଣ୍ଡାଦେଶ ଦେଇଥିଲେ। ଏହି ନିଷ୍ପତ୍ତିକୁ ଠିକ କହି ଦିଲ୍ଲୀ ହାଇକୋର୍ଟ ମଧ୍ୟ ମୃତ୍ୟୁଦଣ୍ଡକୁ କାଏମ୍ ରଖିଥିଲେ। ଏହା ପରେ ଦୋଷୀ ସାବ୍ୟସ୍ତ ହୋଇଥିବା ବ୍ୟକ୍ତିମାନେ ଏହି ରାୟ ବିରୋଧରେ ସୁପ୍ରିମକୋର୍ଟରେ ଏକ ଆବେଦନ କରିଥିଲେ।
ଏହି ମାମଲା ଉତ୍ତରାଖଣ୍ଡ ପୌଡିର ସମ୍ପୃକ୍ତ ଯୁବତୀଙ୍କୁ ଅପହରଣ ଓ ବଳାତ୍କାର ପରେ ହତ୍ୟା କରାଯାଇଥିଲା। ବଳାତ୍କାର କରିବା ପରେ ଅପରାଧୀମାନେ ଯୁବତୀଙ୍କ ଆଖିରେ ଏସିଡ ପକାଇଥିଲେ।