ନୂଆଦିଲ୍ଲୀ,୬।୯: ଟ୍ରିବ୍ୟୁନାଲ ସଂସ୍କାର ଆଇନ ପ୍ରଣୟନ ନେଇ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟ କଡ଼ା ସମାଲୋଚନା କରିଛନ୍ତି। ସଂସ୍କାର ଅଧିନିୟମ ସଂସ୍କାର ଆଇନ ଦ୍ୱାରା ଟ୍ରିବ୍ୟୁନାଲର ସଦସ୍ୟ ତଥା ଚେୟାରମ୍ୟାନଙ୍କ ଅବଧିକୁ ହ୍ରାସ କରାଯାଇଥିବାରୁ ସୋମବାର ସୁପ୍ରିମକୋର୍ଟ କେନ୍ଦ୍ର ସରକାରଙ୍କ ଛାଟ ଦେଖାଇଛନ୍ତି। ଏହା ସୁପ୍ରିମ୍କୋର୍ଟଙ୍କ ଦ୍ୱାରା ରଦ୍ଦ କରାଯାଇଥିବା ପୂର୍ବ ନିୟମ ସହିତ ସମାନ ବୋଲି ପ୍ରଧାନ ବିଚାରପତି ଏନ୍.ଭି. ରମନା, ବିଚାରପତି ଡି.ଓ୍ବାଇ. ଚନ୍ଦ୍ରଚୂଡ ଏବଂ ଏଲ୍.ଏନ୍ ରାଓଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ଡପୀଠ ପକ୍ଷରୁ କୁହାଯାଇଛି।
ସର୍ବୋଚ୍ଚ ଅଦାଲତ କହିଛନ୍ତି ଯେ ସର୍ବୋଚ୍ଚ ନ୍ୟାୟାଳୟର ଆଦେଶକୁ ସମ୍ମାନ ନ କରିବାକୁ ସରକାର ଲଗାତାର ଉଦ୍ୟମ କରୁଛନ୍ତି। ଖଣ୍ଡପୀଠ କହିଛନ୍ତି, କେନ୍ଦ୍ର ସରକାର ଟ୍ରିବ୍ୟୁନାଲଗୁଡିକୁ ଶକ୍ତିହୀନ କରିବାର ପ୍ରୟାସ କରୁଛନ୍ତି। ଶୀର୍ଷ କୋର୍ଟଙ୍କ ସୁପାରିଶର ୭ ଦିନ ମଧ୍ୟରେ ସରକାର ୯ ଜଣ ବିଚାରପତିଙ୍କ ନିଯୁକ୍ତିଙ୍କ ଅନୁମୋଦନ କରିଥିଲେ। ଏପରିସ୍ଥଳେ ଟ୍ରିବ୍ୟୁନାଲ ସଦସ୍ୟ ଏବଂ ଚେୟାରମ୍ୟାନ ନିଯୁକ୍ତ କରିବାକୁ ଦେଢ଼ ବର୍ଷ କାହିଁକି ବିତିଗଲାଣି ବୋଲି ସୁପ୍ରିମ୍କୋର୍ଟ ପ୍ରଶ୍ନ କରିଛନ୍ତି।
ପ୍ରଧାନ ବିଚାରପତି କହିଛନ୍ତି ଯେ, କହିଛି ଯେ କୋର୍ଟ ସରକାରଙ୍କ ସହିତ କୌଣସି ମୁକାବିଲା ପାଇଁ ଆଗ୍ରହୀ ନୁହଁନ୍ତି କିମ୍ବା ଏଭଳି କରିବା ଲାଗି ଆହ୍ବାନ ବି କରୁ ନାହାନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା ସୋମବାର (ସେପ୍ଟେମ୍ବର ୧୩)ରେ ହେବ ବୋଲି ସେ ସୂଚନା ପ୍ରଦାନ କରିଛନ୍ତି।
ଯଦି ସରକାର ସୁପାରିଶକୁ କାର୍ଯ୍ୟକାରୀ ନ କରନ୍ତି ତେବେ ଟ୍ରିବ୍ୟୁନାଲ ବନ୍ଦ କରିବା ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ କିମ୍ବା ସରକାର ନିଯୁକ୍ତିକୁ ଗ୍ରହଣ କରନ୍ତୁ। ଏହା ଦ୍ୱାରା ଜାରି ହୋଇଥିବା ଆଦେଶର ଅବମାନନା ହେବ ବୋଲି ଖଣ୍ଡପୀଠ ପକ୍ଷରୁ କୁହାଯାଇଛି।