ନୂଆଦିଲ୍ଲୀ,୧୯।୧: କଂଗ୍ରେସ ନେତା ରାହୁଲ ଗାନ୍ଧୀଙ୍କ ଲୋକସଭା ସଦସ୍ୟତା ପୁଣି ଫେରି ପାଇବା ବିରୋଧରେ ସୁପ୍ରିମକୋର୍ଟରେ ଏକ ପିଟିଶନ ଦାଖଲ କରାଯାଇଥିଲା। ଏହାକୁ ସୁପ୍ରିମକୋର୍ଟ ପ୍ରତ୍ୟାଖ୍ୟାନ କରିଛନ୍ତି। ‘ମୋଦି ଉପନାମ’ ସମ୍ପର୍କିତ ବିବାଦୀୟ ମନ୍ତବ୍ୟରେ ରାହୁଲଙ୍କୁ ସୁରଟ କୋର୍ଟ ଦୋଷୀ ସାବ୍ୟସ୍ତ କରିଥିଲେ। ଏଥିପାଇଁ ସେ ସଦସ୍ୟତା ହରାଇଥିଲେ। ତେବେ ଗତ ବର୍ଷ ଅଗଷ୍ଟରେ ସୁପ୍ରିମକୋର୍ଟ ନିମ୍ନ ଅଦାଲତର ନିଷ୍ପତ୍ତିକୁ ସ୍ଥଗିତ ରଖିଥିଲେ। ଏହି କାରଣରୁ ରାହୁଲ ସଦସ୍ୟତା ପୁଣି ଫେରି ପାଇଥିଲେ। ସୁପ୍ରିମକୋର୍ଟ କେବଳ ସଦସ୍ୟତା ପୁଣି ଫେରି ପାଇବା ବିରୋଧରେ ଆବେଦନକୁ ପ୍ରତ୍ୟାଖ୍ୟାନ କରିନାହାଁନ୍ତି, ବରଂ ଆବେଦନକାରୀଙ୍କ ଉପରେ କ୍ଷତିପୂରଣ ଦେବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ଏହି ଆବେଦନକୁ ଭିତ୍ତିହୀନ ବୋଲି କହି କୋର୍ଟ ଆବେଦନକାରୀ ଅଶୋକ ପାଣ୍ଡେଙ୍କ ଉପରେ ୧ ଲକ୍ଷ ଟଙ୍କା ଜୋରିମନା ଲଗାଇଛନ୍ତି। ଏହାପୂର୍ବରୁ ଲକ୍ଷ୍ମୀଦୀପ ଏମ୍ପି ମହମ୍ମଦ ଫୈଜଲଙ୍କ ସଦସ୍ୟତା ପୁଣି ଫେରି ପାଇବାକୁ ଚ୍ୟାଲେଞ୍ଜ କରି ପାଣ୍ଡେଙ୍କୁ ୧ ଲକ୍ଷ ଟଙ୍କା ଜୋରିମାନା ଲାଗୁ କରାଯାଇଥିଲା।
