ସୁପ୍ରିମ୍କୋର୍ଟଙ୍କ ସ୍ପଷ୍ଟୀକରଣ, ଆମ ପର୍ଯ୍ୟନ୍ତ ପ୍ରତି ମାମଲା ଆସିଲେ ୫୦୦ ବର୍ଷରେ ବି ଶେଷ ହେବନି ଶୁଣାଣି…
01 ନୂଆଦିଲ୍ଲୀ, ୪।୮ : ବିଚାରାଧୀନ ମାମଲାଗୁଡ଼ିକର ଶୀଘ୍ର ସମାଧାନ ପାଇଁ ସୁପ୍ରିମକୋର୍ଟର ଜଷ୍ଟିସ ସଞ୍ଜୟ କିଶନ କୌଲ କୋର୍ଟର ସଦସ୍ୟମାନଙ୍କୁ କହିଛନ୍ତି। ଏଥି ସହ ସେ କହିଛନ୍ତି ଯେ ଯଦି ପ୍ରତ୍ୟେକ ମାମଲାର ଶୁଣାଣି ସୁପ୍ରିମକୋର୍ଟରେ ଆସେ, ତେବେ ୫୦୦ ବର୍ଷ ମଧ୍ୟରେ ମଧ୍ୟ ବିଚାରଧୀନ ମାମଲାର ସମାଧାନ ହୋଇପାରିବ ନାହିଁ। ସେ କହିଛନ୍ତି, ବିଚାରାଧୀନ ମାମଲାର ବିପୁଳ ପରିମାଣ ଏକ ପ୍ରତିବନ୍ଧକ ସୃଷ୍ଟି କରୁଛି।
ବର୍ତ୍ତମାନ ଯଦି ପ୍ରତ୍ୟେକ ମାମଲା ଶେଷ ପର୍ଯ୍ୟନ୍ତ ଚାଲିବ, ଯଦି ପ୍ରତ୍ୟେକ ଆବେଦନ କୋର୍ଟ ଦ୍ୱାରା ଶୁଣାଣି ହେବ, ଯଦି ପ୍ରତ୍ୟେକ ମାମଲାର ଶୁଣାଣି ସୁପ୍ରିମକୋର୍ଟଙ୍କ ଦ୍ୱାରା ବର୍ଷ ବର୍ଷ ବିତିଗଲେ ବି ବିଚାରାଧୀନ ମାମଲାର ଶେଷ ହେବ ନାହିଁ।
କୌଲଙ୍କ କହିବାନୁସାରେ, ଭଲ ଏବଂ ଶୀଘ୍ର ନ୍ୟାୟ ପ୍ରଦାନରେ ଲୋକ ଅଦାଲତ ଏବଂ ମଧ୍ୟସ୍ଥତା ଗୁରୁତ୍ୱପୂର୍ଣ୍ଣ। ଏହାଦ୍ୱାରା କୋର୍ଟ ଏବଂ ମକଦ୍ଦମାକାରୀମାନେ ସହାୟତା ପାଇବେ। ସେ କହିଛନ୍ତି ଯେ ଯଦି ପିଟିଶନ ବୁଝାମଣା ଏବଂ ମଧ୍ୟସ୍ଥତା ମିଳିତ ଭାବେ କାମ କରେ, ତେବେ ପାରିବାରିକ କଳହରୁ ଆସିଥିବା ଅପରାଧ ଏବଂ ସିଭିଲ ମାମଲାର ଶୀଘ୍ର ସମାଧାନ ହୋଇପାରିବ। ଏହା ସହିତ ଜଷ୍ଟିସ କୌଲ ଦେଶରେ ବୃଦ୍ଧି ପାଉଥିବା ଅପରାଧିକ ମାମଲାକୁ ନେଇ ଉଦବେଗ ପ୍ରକାଶ କରିଥିଲେ ଏବଂ ଲୋକଙ୍କୁ ମକଦ୍ଦମା ବିଷୟରେ ଶିକ୍ଷା ଦେବା ଉପରେ ଗୁରୁତ୍ୱାରୋପ କରିଥିଲେ।