ନୂଆଦିଲ୍ଲୀ,୧୫।୧୦: ସଂସଦରୁ ନିଲମ୍ବିତ ହୋଇଥିବା ଆମ ଆଦମୀ ପାର୍ଟି (ଏଏପି) ଏମପି ରାଘବ ଚାଢା ସୁପ୍ରିମକୋର୍ଟରେ ଆବେଦନ କରିଛନ୍ତି। ରାଜ୍ୟ ସଭାରୁ ତାଙ୍କର ଅର୍ନିଦ୍ଦିଷ୍ଟ କାଳ ପାଇଁ ସ୍ଥଗିତାଦେଶ ବିରୋଧରେ ରାଘବ ଚଢାଙ୍କ ଦ୍ୱାରା ଦାଖଲ ହୋଇଥିବା ଆବେଦନ ଉପରେ ସୋମବାର ସୁପ୍ରିମକୋର୍ଟ ଶୁଣାଣି କରିବେ। ପ୍ରଧାନ ବିଚାରପତି ଡିଓ୍ବାଇ ଚନ୍ଦ୍ରଚୁଡଙ୍କ ନେତୃତ୍ୱରେ ତିନିଜଣ ବିଚାରପତିଙ୍କ ଏକ ବେଞ୍ଚରେ ରାଘବଙ୍କ ମାମଲାର ଶୁଣାଣି ହେବ।
ସୁପ୍ରିମକୋର୍ଟରେ ସ୍ଥଗିତାଦେଶକୁ ଚ୍ୟାଲେଞ୍ଜ କରି ଏମପି ରାଘବ ଚଢାଙ୍କ ଆବେଦନ ଶୁଣାଣି ହେବ। ପ୍ରଧାନ ବିଚାରପତି ଡଓ୍ବାଇ ଚନ୍ଦ୍ରଚୁଡ ଜଷ୍ଟିସ ଜେ.ବି ପରଦୀୱାଲା ଏବଂ ଜଷ୍ଟିସ ମନୋଜ ମିଶ୍ରଙ୍କ ଖଣ୍ଡପୀଠ ଏହି ଶୁଣାଣି କରିବେ। ସଂସଦର ମୌସୁମୀ ଅଧିବେଶନର ଶେଷ ଦିନ ଅଗଷ୍ଟ ୧୧ରେ ଆମ ଆଦମୀ ପାର୍ଟି ଏମପିଙ୍କୁ ଅସାମ୍ବିଧାନିକ ଆଚରଣ କରାଯାଇଥିବା ଅଭିଯୋଗ ହୋଇଛି। ନିୟମ ଉଲ୍ଲଂଘନ, ଅସଦାଚରଣ, ଅନୈତିକ ମନୋଭାବ ଏବଂ ଅବମାନନା ଆଚରଣ ପାଇଁ ନିଲମ୍ବିତ ହୋଇଥିବା ରାଘବଙ୍କ ମାମଲାରେ ସଂସଦର ବିଶେଷାଧିକାର କମିଟି ଦ୍ୱାରା ପ୍ରକାଶିତ ଏକ ରିପୋର୍ଟ ବିଚାରାଧୀନ ଅଛି।
