ନୂଆଦିଲ୍ଲୀ.୧୫।୯: ଦିଲ୍ଲୀର ପୂର୍ବତନ ଉପମୁଖ୍ୟମନ୍ତ୍ରୀ ତଥା ଏଏପି ନେତା ମନୀଷ ସିସୋଡିଆଙ୍କୁ ସୁପ୍ରିମକୋର୍ଟରୁ ଝଟକା ଲାଗିଛି। ଦିଲ୍ଲୀର ମଦ ଦୁର୍ନୀତିର ଦୁଇଟି ମାମଲାରେ ସିସୋଡିଆଙ୍କ ଜାମିନ ଆବେଦନ ଉପରେ ଶୁଣାଣି ଅକ୍ଟୋବର ୪ ପର୍ଯ୍ୟନ୍ତ ସ୍ଥଗିତ ରଖାଯାଇଛି।
ସିସୋଡିଆଙ୍କ ପକ୍ଷରୁ ହାଜର ହୋଇଥିବା ବରିଷ୍ଠ ଓକିଲ ଅଭିଷେକ ସିଂଘବି କହିଛନ୍ତି , ଏହି ମାମଲାରେ ଯୁକ୍ତି କରିବା ପାଇଁ ତାଙ୍କୁ ଦୁଇ ତିନି ଘଣ୍ଟା ଦରକାର। ଏହା ଉପରେ ଜଷ୍ଟିସ ସଞ୍ଜୀବ ଖନ୍ନା ଏବଂ ଏସ୍ବିଏନ ଭଟ୍ଟଙ୍କ ବେଞ୍ଚ ଆଗାମୀ ତାରିଖ ପର୍ଯ୍ୟନ୍ତ ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି।