ନୂଆଦିଲ୍ଲୀ,୨୧।୨ : ପ୍ରଥମ ଥର ପାଇଁ ସୁପ୍ରିମକୋର୍ଟଙ୍କର ପ୍ରକ୍ରିୟାର ଲାଇଭ ଟ୍ରାନ୍ସକ୍ରିପ ମଙ୍ଗଳବାର କରାଯାଇଛି। କୃତ୍ରିମ ବୁଦ୍ଧି ଏବଂ ପ୍ରାକୃତିକ ଭାଷା ପ୍ରକ୍ରିୟାକରଣ ପ୍ରଯୁକ୍ତିବିଦ୍ୟା ସାହାଯ୍ୟରେ ଏହି ଲାଇଭ ଟ୍ରାନ୍ସକ୍ରିପଶନ କରାଯାଇଛି। ଲାଇଭ ଟ୍ରାନ୍ସକ୍ରିପ୍ଟ ଅନ୍ତର୍ଗତରେ, କୋର୍ଟ ପ୍ରକ୍ରିୟାପରଦାରେ ଟେକ୍ସ ଆକାରରେ ପ୍ରଦର୍ଶିତ ହୋଇଥିଲା। ଏହା ଦ୍ୱାରା ଏଣିକି ଶୀର୍ଷକୋର୍ଟଙ୍କ ପ୍ରକ୍ରିୟା ବର୍ତ୍ତମାନ ଲାଇଭ ପଢ଼ା ଯାଇପାରିବ।
ଯେଉଁ ଲୋକମାନେ ଶୁଣିବା କଷ୍ଟକର ସେମାନେ ଲାଇଭ ଟ୍ରାନ୍ସକ୍ରିପଡ କୋର୍ଟ ପ୍ରକ୍ରିୟା ଦ୍ୱାରା ବହୁତ ଲାଭବାନ ହେବେ।
ପ୍ରଧାନ ବିଚାରପତି ଡି.ଓ୍ବାଇ. ଚନ୍ଦ୍ରଚୂଡ଼ କୋର୍ଟ ପରିସରରେ ଲାଇଭ ଟ୍ରାନ୍ସକ୍ରିପଶନର ଶୁଭାରମ୍ଭ କରିଥିଲେ। ଶିବସେନା ମାମଲାର ଶୁଣାଣି କରୁଥିବା ସୁପ୍ରିମକୋର୍ଟର ସମ୍ବିଧାନ ବେଞ୍ଚର ପ୍ରକ୍ରିୟା ଟ୍ରାନ୍ସକ୍ରିପଶନ କରାଯାଇଥିଲା। ଏହା ପରେ ଓକିଲମାନେ ଏହାକୁ ଯାଞ୍ଚ କରିଥିଲେ, ସବୁକିଛି ଠିକ ମିଳିବା ପରେ ଏହା ସୁପ୍ରିମକୋର୍ଟର ୱେବସାଇଟରେ ଅପଲୋଡ ହୋଇଥିଲା।
ପ୍ରଧାନ ବିଚାରପତି କହିଛନ୍ତି ଯେ ବର୍ତ୍ତମାନ ଏହାକୁ ଏକ ପରୀକ୍ଷଣ ଭାବରେ ବ୍ୟବହାର କରାଯାଉଛି। ସବୁକିଛି ସଠିକ ମିଳିବା ପରେ ଏହା ସ୍ଥାୟୀ ଭାବରେ କାର୍ଯ୍ୟକାରୀ ହେବ ।
ଗତ ବର୍ଷ ସେପ୍ଟେମ୍ବରରେ ସୁପ୍ରିମକୋର୍ଟଙ୍କ ପ୍ରକ୍ରିୟାର ଲାଇଭ ଟେଲିକାଷ୍ଟ ଆରମ୍ଭ ହୋଇଥିଲା। ଯାହା ଅଧୀନରେ ସୁପ୍ରିମକୋର୍ଟଙ୍କ ୱେବସାଇଟରେ କୋର୍ଟର ପ୍ରକ୍ରିୟା ସିଧା ଦେଖାଯାଇପାରିବ। ବର୍ତ୍ତମାନ ପ୍ରକ୍ରିୟା ଦେଖିବା ଏବଂ ଶୁଣିବା ବ୍ୟତୀତ ଏହା ମଧ୍ୟ ପଢ଼ା ଯାଇପାରିବ ।
