ମୁମ୍ବାଇ,୪।୧୧: ପ୍ରଫେଟ ମହମ୍ମଦଙ୍କ ଉପରେ ଦେଇଥିବା ବିବାଦୀୟ ମନ୍ତବ୍ୟ ମାମଲାରେ ସୁପ୍ରିମକୋର୍ଟ ନିଲମ୍ବିତ ଭାଜପା ନେତା ନବୀନ ଜିନ୍ଦଲଙ୍କୁ ଆଶ୍ୱସ୍ତି ପ୍ରଦାନ କରିଛନ୍ତି। ତାଙ୍କ ବିରୋଧରେ ଥିବା ସମସ୍ତ ଏଫ୍ଆଇଆର୍ ଦିଲ୍ଲୀକୁ ସ୍ଥାନାନ୍ତର କରାଯାଇଛି। ଏଥିସହ ତାଙ୍କୁ ଏଫ୍ଆଇଆର୍ ବନ୍ଦ କରିବାକୁ ଦିଲ୍ଲୀ ହାଇକୋର୍ଟଙ୍କ ଦ୍ୱାରସ୍ଥ ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଏହି ମାମଲାରେ ରୁଜୁ ହୋଇଥିବା ସମସ୍ତ ଏଫ୍ଆଇଆର୍ରେ ୮ସପ୍ତାହ ପର୍ଯ୍ୟନ୍ତ ଗିରଫଦାରୀ ଉପରେ କୋର୍ଟ ରୋକୋ ଲଗାଇଛନ୍ତି। ଏହା ପୂର୍ବରୁ ନିଲମ୍ବିତ ଭାଜପା ନେତା ନୁପୁର ଶର୍ମାଙ୍କୁ ମଧ୍ୟ କୋର୍ଟ ସମାନ ଆଶ୍ୱସ୍ତି ପ୍ରଦାନ କରିଥିଲେ। ସୂଚନାଯୋଗ୍ୟ, ପ୍ରଫେଟ ମହମ୍ମଦଙ୍କ ଉପରେ ବିବାଦୀୟ ଟୁଇଟକୁ ନେଇ ବହିଷ୍କୃତ ଭାଜପା ନେତା ନବୀନ କୁମାର ଜିନ୍ଦଲ ଏବେ ବିବାଦ ଘେରରେ ରହିଛନ୍ତି। ମହାରାଷ୍ଟ୍ରର ଭିଓ୍ବଣ୍ଡିରେ ନବୀନ ଜିନ୍ଦଲଙ୍କ ବିରୋଧରେ ମାମଲା ରୁଜୁ ହୋଇଛି। ବର୍ତ୍ତମାନ ଏହି ମାମଲାରେ ତାଙ୍କୁ ଆଶ୍ୱସ୍ତି ମିଳିଛି।
