ନୂଆଦିଲ୍ଲୀ, ୧୩।୬: ଦିଲ୍ଲୀରେ ଜଳ ସଙ୍କଟ ସମ୍ପର୍କିତ ସରକାରଙ୍କ ଆବେଦନ ଉପରେ ସୁପ୍ରିମକୋର୍ଟ କହିଛନ୍ତି ଯେ ରାଜ୍ୟମାନଙ୍କ ମଧ୍ୟରେ ଯମୁନା ନଦୀ ଜଳ ବଣ୍ଟନ ସହ ଜଡିତ ମାମଲା ଏକ ଜଟିଳ ତଥା ସମ୍ବେଦନଶୀଳ ପ୍ରସଙ୍ଗ। ସୁପ୍ରିମକୋର୍ଟଙ୍କ ପାଖରେ ଏହାର ବଣ୍ଟନ ସୂତ୍ର ବାହାର କରିବାର ଅଭିଜ୍ଞତା ନାହିଁ। ଜଳ ବାଣ୍ଟିବା ପ୍ରସଙ୍ଗ ଉପର ଯମୁନା ନଦୀ ବୋର୍ଡକୁ ଛାଡି ଦିଆଯାଉ। ଆସନ୍ତାକାଲି ସମସ୍ତ ପକ୍ଷଙ୍କ ସହ ଏକ ବୈଠକ ଡାକିବାକୁ ଏବଂ ଶୀଘ୍ର ଏଥି ନିମନ୍ତେ ନିଷ୍ପତ୍ତି ନେବାକୁ ସୁପ୍ରିମକୋର୍ଟ ଯମୁନା ବୋର୍ଡକୁ ନିର୍ଦ୍ଦେଶ ଦେଇଛନ୍ତି।
କୋର୍ଟ କହିଛନ୍ତି ଯେ ଉପର ଯମୁନା ନଦୀ ବୋର୍ଡ ମାନବିକତା କାରଣରୁ ଅତିରିକ୍ତ ୧୫୨ କ୍ୟୁସେକ ଜଳ ପାଇଁ ଆବେଦନ ଦାଖଲ କରିବାକୁ ଦିଲ୍ଲୀ ସରକାରଙ୍କୁ ଅନୁରୋଧ କରିସାରିଛି। ଦିଲ୍ଲୀ ସରକାର ଏପରି ଆବେଦନ କରିବା ଉଚିତ ଯାହା ଆସନ୍ତାକାଲି ସୁଦ୍ଧା କରାଯାଇ ନାହିଁ। ବୋର୍ଡ ଯଥାଶୀଘ୍ର ଆବେଦନ ଉପରେ ନିଷ୍ପତ୍ତି ନେବ।
ଏହାପୂର୍ବରୁ ବୁଧବାର ଦିନ ସୁପ୍ରିମକୋର୍ଟ କଠୋର ଆଭିମୁଖ୍ୟ ଗ୍ରହଣ କରି କହିଛନ୍ତି ଯେ ଟ୍ୟାଙ୍କର୍ ମାଫିଆଙ୍କ ବିରୋଧରେ ଦିଲ୍ଲୀ ସରକାର କୌଣସି ପଦକ୍ଷେପ ନେଉନାହାଁନ୍ତି। କୋର୍ଟ ଦିଲ୍ଲୀ ସରକାରଙ୍କୁ ତାଗିଦ କରି ଏକ ଆଫିଡେଭିଟ ଦାଖଲ କରିବାକୁ କହିଥିଲେ। ସରକାର ଗୁରୁବାର କୋର୍ଟରେ ନିଜର ଆଭିମୁଖ୍ୟ ଉପସ୍ଥାପନ କରି କହିଛନ୍ତି ଯେ ଏହା କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ ନାହିଁ। ସରକାର ଏହାର କାରଣ ମଧ୍ୟ ଦେଇଛନ୍ତି।