ନୂଆଦିଲ୍ଲୀ,୨୦ା୯: ସୁପ୍ରିମକୋର୍ଟଙ୍କ ୟୁଟ୍ୟୁବ୍ ଚ୍ୟାନେଲ୍ ଶୁକ୍ରବାର ହ୍ୟାକ୍ ହୋଇଛି। ଆମେରିକୀୟ କମ୍ପାନୀ ରିପଲ୍ ଲାବ୍ସ ଦ୍ୱାରା ବିକଶିତ କ୍ରିପ୍ଟୋକରେନ୍ସିର ପ୍ରଚାର ପ୍ରସାର କରାଉଥିବା ଭିଡିଓ ଏଥିରେ ପ୍ରଦର୍ଶିତ ହେଉଛି। ହ୍ୟାକ୍ ହୋଇଥିବା ଚ୍ୟାନେଲରେ ପ୍ରଦର୍ଶିତ ବ୍ଲାଙ୍କ୍ ଭିଡିଓରେ ‘ବ୍ରାଡ୍ ଗାର୍ଲିଂହାଉସ: ରିପଲ ରେସ୍ପଣ୍ଡସ୍ ଟୁ ଦି ଏସ୍ଇସିସ୍ ୨ ବିଲୟନ ଡଲାର ଫାଇନ! ଏକ୍ସଆର୍ପି ପ୍ରାଇସ୍ ପ୍ରେଡିକ୍ସନ’ ଶୀର୍ଷକ ଲେଖା ରହିଛି।
ସୁପ୍ରିମକୋର୍ଟ ଉକ୍ତ ୟୁଟ୍ୟୁବ୍ ଚ୍ୟାନେଲକୁ ବନ୍ଦ କରିଦିଆଯାଇଛି ଓ ଖୁବ୍ଶୀଘ୍ର ଏହା କାର୍ଯ୍ୟ କରିବ ବୋଲି ଏହାର ଓ୍ବେବ୍ସାଇଟ୍ରେ ଏନ ନୋଟିସ୍ ପୋଷ୍ଟ କରାଯାଇ ଜଣାଇଦିଆଯାଇଛି। ସାମ୍ବିଧାନିକ ପୀଠରେ ତାଲିକାଭୁକ୍ତ ମାମଲା ଏବଂ ଜନସ୍ବାର୍ଥ ମାମଲାଗୁଡ଼ିକର ଶୁଣାଣିର ସିଧାପ୍ରସାରଣ ପାଇଁ ସୁପ୍ରିମକୋର୍ଟ ୟୁଟ୍ୟୁବ୍ ଚ୍ୟାନେଲକୁ ବ୍ୟବହାର କରିଥାନ୍ତି।