ଡେଲାଙ୍ଗ/ପିପିଲି,୧୦।୪(ଡି.ଏନ୍.ଏ.): କଂଗ୍ରେସ ପ୍ରାର୍ଥୀ ଅଜିତ ମଙ୍ଗରାଜଙ୍କ ପାଇଁ ବ୍ଲକ ସଭାପତିଙ୍କ ନେତୃତ୍ୱରେ ଜଟଣୀ ବିଧାୟକ ସୁରେଶ କୁମାର ରାଉତରାୟ ପ୍ରଚାର କରୁଛନ୍ତି। ସେ ପିପିଲି ନିର୍ବାଚନମଣ୍ଡଳୀର ପ୍ରତି ଗଁା ବୁଲି ନିଜ ମଜାଦାର ଢଙ୍ଗରେ ଲୋକଙ୍କୁ ପ୍ରାର୍ଥୀ ଅଜିତଙ୍କୁ ଭୋଟ ଦେବା ପାଇଁ ନିବେଦନ କରୁଛନ୍ତି। ପ୍ରଚାରରେ ରାଉତରାୟଙ୍କ ସହ ପିସିସି ସଦସ୍ୟ ଯୋଗେନ୍ଦ୍ର ବାହୁବଳେନ୍ଦ୍ର, ପିସିସି ପୂର୍ବତନ ସଭାପତି ଜୟଦେବ ଜେନା, ପ୍ରଦୀପ ମାଝି, ବିଶ୍ୱ ମହାନ୍ତି, ମୁଖପାତ୍ର ନିଶିକାନ୍ତ ମିଶ୍ର, ରାଜ୍ୟ ମହିଳା ସମ୍ପାଦିକା ନିରୁପମା ପାତ୍ର, ବନିତା ପରିଡା, କୁସୁମ ପ୍ରଧାନ ପ୍ରମୁଖ ଯୋଗଦେଇଥିଲେ। କେନ୍ଦ୍ର ସରକାରଙ୍କ କୃଷିମାରଣ ନୀତି, ତୈଳଦର ବୃଦ୍ଧି ସାଙ୍ଗକୁ ରାଜ୍ୟ ସରକାର ଜନକଲ୍ୟାଣ ଯୋଜନାର ଡିଣ୍ଡିମ ପିଟୁଥିବା ବେଳେ ସ୍ବର୍ଗତ ବିଧାୟକଙ୍କ ୩୫ ବର୍ଷ ଶାସନ କାଳରେ ଶୀତଳ ଭଣ୍ଡାର ନାହିଁ, ଫନୀ ହିତାଧିକାରୀ ଘରଭଙ୍ଗା ସହାୟତାରୁ ବଞ୍ଚିତ ରହିଥିବା ରାଉରତାୟ କହିଛନ୍ତି। ସେ ଡେଲାଙ୍ଗj କୋଠବାଡ, ଅରିସଲ, ଖେଲାଉର, ସୁଜନପୁର ଆଦି ପଞ୍ଚାୟତରେ ପ୍ରଚାର କରିଛନ୍ତି । ପିପିଲି କଂଗ୍ରେସ କାର୍ଯ୍ୟାଳୟରେ ମିଶ୍ରଣ ପର୍ବ ଅନୁଷ୍ଠିତ ହୋଇଛି। ହାଟସାହି ପଞ୍ଚାୟତର ବିଜେଡିର ଅନେକ ଯୁବକ କଂଗ୍ରେସରେ ସାମିଲ ହୋଇଛନ୍ତି।