ନୂଆଦିଲ୍ଲୀ,୧୪।୨: ତେଲେଙ୍ଗାନା ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ ସର୍ଜିକାଲ ଷ୍ଟ୍ରାଇକର ପ୍ରମାଣ ଦାବି ଉପରେ ରାଜନୀତି ଜୋର ଧରିଛି। କେସିଆର୍ଙ୍କ ଉପରେ ଭାଜପା ବର୍ଷିଛି। କେନ୍ଦ୍ର ମନ୍ତ୍ରୀ ଗିରିରାଜ ସିଂ କେସିଆରଙ୍କୁ ଟାର୍ଗେଟ କରି କହିଛନ୍ତି, ପଚାରିବାର ଅଛି ତ ପାକିସ୍ତାନକୁ ପଚାର। ସର୍ଜିକାଲ ଷ୍ଟ୍ରାଇକ ପରେ ପାକିସ୍ତାନର ଯନ୍ତ୍ରଣା ଶୁଣିବା ପାଇଁ ଆପଣ ଏବଂ ଆପଣଙ୍କ ସହକର୍ମୀଙ୍କ ଅପେକ୍ଷା କିଏ ଭଲ ହେବ?
ଏଥିସହିତ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ମଧ୍ୟ କେସିଆରଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ତେଲେଙ୍ଗାନା ମୁଖ୍ୟମନ୍ତ୍ରୀ ରାଗିକି ଅଛନ୍ତି ଏବଂ ଭୟଭୀତ ଅଛନ୍ତି। କଂଗ୍ରେସ ଏବଂ ଟିଆରଏସର ବିବୃତ୍ତି ପାକିସ୍ତାନ ଭଳି। ଯେତେବେଳେ ବି ନିର୍ବାଚନ ଆସେ, ସେମାନେ ନୂଆ ପରୀକ୍ଷଣ କରନ୍ତି। ହିଜାବ ହେଉ କିମ୍ବା ସର୍ଜିକାଲ ଷ୍ଟ୍ରାଇକ ହେଉ କାରଣ ସେମାନେ ବିକାଶରେ ଭାଜପା ସହିତ ପ୍ରତିଦ୍ୱନ୍ଦ୍ୱିତା କରିପାରିବେ ନାହିଁ। ସର୍ଜିକାଲ ଷ୍ଟ୍ରାଇକ ଉପରେ ପ୍ରଶ୍ନ କରିବା କେସିଆର୍ର ଚିନ୍ତାଧାରାକୁ ପ୍ରତିଫଳିତ କରେ ବୋଲି ସେ କହିଛନ୍ତି।
ସୂଚନାଯୋଗ୍ୟ,କେସିଆର ସର୍ଜିକାଲ ଷ୍ଟ୍ରାଇକର ପ୍ରମାଣ ଉପସ୍ଥାପନ କରିବାକୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଦାବିକୁ ସମର୍ଥନ କରିଛି। ସେ କହିଛନ୍ତି, ରାହୁଲ ଗାନ୍ଧୀଙ୍କ ସର୍ଜିକାଲ ଷ୍ଟ୍ରାଇକର ପ୍ରମାଣ ମାଗିବାରେ କିଛି ଭୁଲ ନାହିଁ। ମୁଁ ମଧ୍ୟ ପଚାରୁଛି। ଭାରତ ସରକାର ଏହାକୁ ଦେଖାଇବା ଉଚିତ୍। ଏହା ସେମାନଙ୍କର ଦାୟିତ୍ୱ ଅଟେ। ଲୋକଙ୍କ ମନରେ ଆଶଙ୍କା ରହିଛି ବୋଲି ସେ କହିଛନ୍ତି।
