କଲମ୍ବୋ,୨୧।୭: ଦ୍ରୁତ ବ୍ୟାଟିଂ ପାଇଁ ପ୍ରସିଦ୍ଧ ସୂର୍ଯ୍ୟକୁମାର ଯାଦବ ଶ୍ରୀଲଙ୍କା ବିପକ୍ଷରେ ଦିନିକିଆ ଡେବ୍ୟୁ କରିଥିଲେ। ପ୍ରଥମ ମ୍ୟାଚ୍ରେ ସୂର୍ଯ୍ୟକୁମାର ଯାଦବ ଅପରାଜିତ ୩୧ ରନ୍ ଖେଳି ଟିମ ଇଣ୍ଡିଆର ବିଜୟରେ ସହଯୋଗ କରିଥିଲେ। ୧୫୫ର ଷ୍ଟ୍ରାଇକ ହାରରେ ସୂର୍ଯ୍ୟକୁମାର ରନ ସ୍କୋର କରିଥିଲେ। ପ୍ରଥମ ମ୍ୟାଚରେ ଯେକୌଣସି ଯୁବ ଖେଳାଳିଙ୍କ ପାଇଁ ଏହା ବହୁତ ଭଲ ଆରମ୍ଭ କିନ୍ତୁ ସୂର୍ଯ୍ୟକୁମାର ତଥାପି ଟିକେ ନିରାଶ ହୋଇଛନ୍ତି। ଦ୍ୱିତୀୟ ଦିନିକିଆ ପୂର୍ବରୁ ସୂର୍ଯ୍ୟକୁମାର ଯାଦବ ଏହାର କାରଣ ଦର୍ଶାଇଥିଲେ। ସେ କହିଛନ୍ତି ଯେ, ତାଙ୍କ ପରିବାର ଦିନିକିଆ ଡେବ୍ୟୁରେ ଷ୍ଟାଡିୟମରେ ଉପସ୍ଥିତ ନଥିଲେ, ସେଥିପାଇଁ ସେ ବହୁତ ନିରାଶ ହୋଇଛନ୍ତି। ଦିନିକିଆ କ୍ୟାପ ପାଇବା ମୋ ପାଇଁ ଏକ ଭାବପ୍ରବଣ ସମୟ ଥିଲା କିନ୍ତୁ କରୋନା କାରଣରୁ ମୋ ପରିବାର ଷ୍ଟାଡିୟମରେ ଉପସ୍ଥିତ ନ ଥିବାରୁ ମୁଁ ନିରାଶ ହୋଇଥିଲି ବୋଲି ସେ କହିଛନ୍ତି। ସେ ଏହା ମଧ୍ୟ କହିଛନ୍ତି ଯେ ସେ ମଧ୍ୟ ତାଙ୍କ ଦିନିକିଆ ଡେବ୍ୟୁ ସ୍ମୃତିରେ ଏକ ଟାଟୁ କରିବାକୁ ଚାହୁଁଛନ୍ତି। ଭାରତକୁ ଫେରିବା ମାତ୍ରେ ସୂର୍ଯ୍ୟକୁମାର ତାଙ୍କ ହାତରେ ଏକ ଟାଟୁ ରଖିବାକୁ ଯାଉଛନ୍ତି।
ସୂଚନାଯୋଗ୍ୟ ଯେ, ସୂର୍ଯ୍ୟକୁମାର ଯାଦବଙ୍କ ପାଇଁ ଶ୍ରୀଲଙ୍କା ଗସ୍ତ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅକ୍ଟୋବରରେ ଟି -୨୦ ବିଶ୍ୱକପ ଅନୁଷ୍ଠିତ ହେବାକୁ ଯାଉଛି। ଏହାପୂର୍ବରୁ ତାଙ୍କୁ ଚମତ୍କାର ପ୍ରଦର୍ଶନ କରିବାକୁ ପଡିବ।