ନୂଆଦିଲ୍ଲୀ,୩୦।୬: ଟି-୨୦ ବିଶ୍ୱକପ ୨୦୨୪ ଚାମ୍ପିୟନ୍ ହୋଇଛି ଭାରତୀୟ ଦଳ। ଏହି ମ୍ୟାଚ୍ ମଝିରେ କିଛି ସମୟ ପାଇଁ ଲାଗିଥିଲା ଯେପରି ମ୍ୟାଚ ଭାରତ ହାତରୁ ଖସି ଯାଉଛି। କିନ୍ତୁ ସୂର୍ଯ୍ୟକୁମାର ଯାଦବ ଟିମ ଇଣ୍ଡିଆ ପାଇଁ ହନୁମାନଙ୍କ ପରି ଆସିଥିଲେ ଏବଂ ବାଉଣ୍ଡାରୀ ପାଖରେ ଡେଇଁ ଏମିତି ଚମତ୍କାର କ୍ୟାଚ ନେଇଥିଲେ ଯେ ସମଗ୍ର ମ୍ୟାଚ ଭାରତର ସପକ୍ଷକୁ ଆସିଥିଲା। ଏହି କ୍ୟାଚ ନେବା ପରେ ମଧ୍ୟ ସେ ବିଶ୍ୱାସ କରିପାରି ନ ଥିଲେ ଯେ ସେ ଏପରି ଗୁରୁତ୍ୱପୂର୍ଣ୍ଣ କ୍ୟାଚ ନେଇଛନ୍ତି।
ଏହି ଆଶ୍ଚର୍ଯ୍ୟଜନକ କ୍ୟାଚ୍ ଧରିବା ପରେ ସୂର୍ଯ୍ୟକୁମାର ଯାଦବ ଏକ ସାକ୍ଷାତକାରରେ ନିଜର ଖୁସି ବ୍ୟକ୍ତ କରିଥିଲେ। ସୂର୍ଯ୍ୟକୁମାର ଯାଦବ କହିଛନ୍ତି- ମୁଁ ତଥାପି ଏହାକୁ ବିଶ୍ୱାସ କରିପାରୁ ନାହିଁ। ସେହି କ୍ୟାଚ ପ୍ରକୃତରେ ଏକ ମ୍ୟାଚ୍ ବିଜୟୀ କ୍ୟାଚ୍ ଥିଲା।
ସୂର୍ଯ୍ୟକୁମାର କହିଛନ୍ତି, ମ୍ୟାଚ ଜିତିବା ପରେ ମୁଁ ମୋର ମାତାପିତାଙ୍କ ସହ ଭିଡିଓ କଲରେ କଥା ହେଲି ଏବଂ ସେମାନେ ମୋତେ କହିଥିଲେ ଯେ ସମ୍ପୂର୍ଣ୍ଣ ରାସ୍ତା ଜାମ ଅଛି, ଲୋକମାନେ ରାସ୍ତାରେ ଉତ୍ସବ ପାଳନ କରୁଛନ୍ତି।