କୋଲକତା,୨୦।୨: ୱେଷ୍ଟଇଣ୍ଡିଜ ବିପକ୍ଷ ସିରିଜର ତୃତୀୟ ତଥା ଅନ୍ତିମ ଟି -୨୦ ମ୍ୟାଚରେ ଭାରତୀୟ କ୍ରିକେଟ ଦଳର ଚମତ୍କାର ବିଜୟରେ ସୂର୍ଯ୍ୟକୁମାର ଯାଦବ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ମଧ୍ୟମ କ୍ରମରେ ସୂର୍ଯ୍ୟକୁମାର ଏକ ଚମତ୍କାର ଇନିଂସ ଖେଳିଥିଲେ। ଫଳରେ ଭାରତୀୟ ଦଳ ୫ ଉଇକେଟ ପାଇଁ ୧୮୪ ରନ ସ୍କୋର କରିବାରେ ସଫଳ ହୋଇଥିଲା। ସୂର୍ଯ୍ୟକୁମାର ୨୦୦ରୁ ଅଧିକ ଷ୍ଟ୍ରାଇକ ରେଟ୍ରେ ରନ ସ୍କୋର କରିଥିଲେ। ଭାରତୀୟ ଦଳ ୯୩ ରନରେ ୪ଟି ଉଇକେଟ ହରାଇଥିବା ବେଳେ ଷ୍ଟାଇଲିସ ବ୍ୟାଟ୍ସମ୍ୟାନ ସୂର୍ଯ୍ୟକୁମାର କ୍ରିଜକୁ ଆସିଥିଲେ। ଏହା ପରେ ସେ ଚୌକା-ଛକା ବର୍ଷା କରି ମାତ୍ର ୩୧ ବଲରେ ୬୫ ରନ କରିଥିଲେ।
କୋଲକତାର ଇଡେନ ଗାର୍ଡେନ ଷ୍ଟାଡିୟମରେ ଖେଳାଯାଇଥିବା ତୃତୀୟ ଟି -୨୦ ମ୍ୟାଚ ରେ ଭାରତୀୟ ଦଳ ୱିଣ୍ଡିଜକୁ ୧୭ ରନ୍ରେ ପରାସ୍ତ କରି ୩ ମ୍ୟାଚ ବିଶିଷ୍ଟ ସିରିଜ କ୍ଲିନ୍ସୁଇପ୍ କରିଛି। ଡାହାଣହାତୀ ବ୍ୟାଟ୍ସମ୍ୟାନ ସୁର୍ଯ୍ୟକୁମାର ଯାଦବ ଅର୍ଦ୍ଧଶତକ ପୂରଣ କରିବା ମାତ୍ରେ ବ୍ୟାଟ୍ ଟେକିବା ସହ ହାତଯୋଡି ନମସ୍କାର କରିଥିଲେ। ଡ୍ରେସିଂ ରୁମ୍ରେ ବସିଥିବା ମୁଖ୍ୟ କୋଚ ରାହୁଲ ଦ୍ରାବିଡଙ୍କ ସମେତ ସାଥୀ ଖେଳାଳିଙ୍କ ଶୁଭେଚ୍ଛା ଗ୍ରହଣ କରିଥିଲେ। ସୂର୍ଯ୍ୟକୁମାରଙ୍କ ଏହି ବିଶେଷ ସେଲିବ୍ରେସନ୍ ଭିଡିଓ ଭାଇରାଲ୍ ହୋଇଛି। ସମସ୍ତେ ତାଙ୍କର ଏପରି ଅନ୍ଦାଜ୍କୁ ପସନ୍ଦ କରିଛନ୍ତି।
https://twitter.com/SportsHustle3/status/1495422405031849984
