Categories: ଖେଳ

ସୂର୍ଯ୍ୟାଂଶୁ ଚାମ୍ପିୟନ, ଅଂଶୁମାନ ରନରଅପ୍‌

ଭୁବନେଶ୍ୱର, ୬ା୨ (ସ୍ପୋଟର୍‌ସ ବ୍ୟୁରୋ): ସ୍ଥାନୀୟ ଟଙ୍କପାଣି ରୋଡ୍‌ସ୍ଥିତ ସାଇ ବୀଣାପାଣି ଜ୍ଞାନ ମନ୍ଦିରଠାରେ ରାଜ୍ୟ ସ୍କୁଲ ଓପନ ଚେସ୍‌ ଚାମ୍ପିୟନଶିପ୍‌ ଅନୁଷ୍ଠିତ ହୋଇଯାଇଛି। ୬ ରାଉଣ୍ଡବିଶିଷ୍ଟ ଏହି ପ୍ରତିଯୋଗିତାରେ ସାଇ ଇଣ୍ଟରନ୍ୟାଶନାଲ ସ୍କୁଲର ସୂର୍ଯ୍ୟାଂଶୁ ମହାକୁଡ଼ ପ୍ରଥମ ସ୍ଥାନ ଅଧିକାର କରିବା ସହ ଚାମ୍ପିୟନ ହୋଇଥିବା ବେଳେ ସେଣ୍ଟ ଜାଭିୟର୍‌ ସ୍କୁଲ (ଖଣ୍ଡଗିରି)ର ସାଇ ଅଂଶୁମାନ ସିଂ ଦ୍ୱିତୀୟ ସ୍ଥାନ ସହ ରନରଅପ୍‌ ହୋଇଛନ୍ତି।

ସାଇ ଇଣ୍ଟରନ୍ୟାଶନାଲ ସ୍କୁଲର ଅଂଶଲ ଏସ୍‌. ଥୋମାସ, ପୋଖରିପୁଟ ଡିଏଭି ସ୍କୁଲର ଶ୍ରେୟାସ କୁମାର ବେହୁରିଆ, କଳିଙ୍ଗନଗର ଡିଏଭି ପବ୍ଲିକ ସ୍କୁଲର ଦୀପ୍ତିରଞ୍ଜନ ସାହୁ ଯଥାକ୍ରମେ ୩ୟ, ୪ର୍ଥ ଓ ୫ମ ସ୍ଥାନ ଅଧିକାର କରିଛନ୍ତି। ସେହିପରି ଅନ୍ୟ ବୟସ ବର୍ଗରେ ଯଥା ୧୩ ବର୍ଷରୁ କମ୍‌ ବିଭାଗରେ ଉଦୟକାନ୍ତ ନାୟକ ପ୍ରଥମ, ଅଂଶୁମାନ ଆଚାର୍ଯ୍ୟ ଦ୍ୱିତୀୟ, ୧୧ ବର୍ଷରୁ କମ୍‌ ବିଭାଗରେ ଶାରୁନ୍‌ ସୁବୁଦ୍ଧି ପ୍ରଥମ ଅମ୍ରିତ କୁମାର ମହାନ୍ତି ଦ୍ୱିତୀୟ ହୋଇଛନ୍ତି। ୯ ବର୍ଷରୁ କମ୍‌ ବିଭାଗରେ ସତ୍ୟସ୍ବରୂପ ତ୍ରିପାଠୀ ପ୍ରଥମ ଏବଂ ଦେବରାଜ ସେନାପତି ଦ୍ୱିତୀୟ ସ୍ଥାନ ଅଧିକାର କରିଛନ୍ତି।

୭ ବର୍ଷରୁ କମ୍‌ ବିଭାଗରେ ସିଦ୍ଧାର୍ଥ ମଲିକ ପ୍ରଥମ, ସତ୍ୟ ନାରାୟଣ ସ୍ବାଇଁ ଦ୍ୱିତୀୟ ହୋଇଛନ୍ତି। ଅନ୍ୟପକ୍ଷରେ ଅକ୍ଷିତ ଆଚାର୍ଯ୍ୟ, ଶାଶ୍ୱତି ସେଠ୍‌, ଆଦିତ୍ୟ ଶଙ୍କର ବେହେରା, ଅଂଶୁମାନ ବେହେରା, ଓମ୍‌ ଶତପଥୀ ଓ ଅକ୍ଷତ ମିଶ୍ର ପ୍ରମୁଖଙ୍କୁ ସ୍ବତନ୍ତ୍ର ପୁରସ୍କାର ପ୍ରଦାନ କରାଯାଇଥିଲା। ପୁରସ୍କାର ବିତରଣ ଉତ୍ସବରେ ଅବସରପ୍ରାପ୍ତ ସ୍କୁଲ ଶିକ୍ଷୟିତ୍ରୀ ହରପ୍ରିୟା ମହାନ୍ତି ଅତିଥିଭାବେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଚିଫ୍‌ ଆର୍ବିଟର ଦେବାଶିଷ ପାଣିଗ୍ରାହୀ, ଶୁଭଲକ୍ଷ୍ମୀ ପାଣିଗ୍ରାହୀ, ଶୁଭଶ୍ରୀ ପାଣିଗ୍ରାହୀ ଏବଂ ସାଇ ବୀଣାପାଣି ସ୍କୁଲର ସମ୍ପାଦକ ଭବାନୀ ଶଙ୍କର ମହାପାତ୍ର ପ୍ରମୁଖ ଉପସ୍ଥିତ ଥିଲେ।

Share