ଦାରିଙ୍ଗବାଡ଼ି,୧୨ା୩(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଧ୍ୟକ୍ଷ ପଦବୀ ବିଜେଡି ହାତେଇଛି। ଏହି ପଦରେ ବିଜେଡିର ସୁଶାନ୍ତ କୁମାର ପ୍ରଧାନ ବିଜୟୀ ହୋଇଛନ୍ତି। ସେ ୨୫ ସମିତିସଭ୍ୟଙ୍କ ମଧ୍ୟରୁ ୧୭ଟି ଭୋଟ୍ ପାଇ ବିଜୟ ହୋଇଛନ୍ତି। ତାଙ୍କ ବିପକ୍ଷରେ ତତ୍କାଳୀନ ବ୍ଲକ ଅଧ୍ୟକ୍ଷା ତଥା କଂଗ୍ରେସର ଜିଲା ସଭାନେତ୍ରୀ ରୁଦା ମଲିକ ଏହି ପଦବୀ ପାଇଁ ପ୍ରତିଦ୍ୱନ୍ଦ୍ୱିତା କରୁଥିଲେ। ସେ ମାତ୍ର ୮ଖଣ୍ଡ ଭୋଟ୍ ପାଇଥିବା ଜଣାପଡ଼ିଛି। ସୁଶାନ୍ତ ଗତ ୨୦୧୨ରୁ ୨୦୧୭ ପର୍ଯ୍ୟନ୍ତ ଦାରିଙ୍ଗବାଡିର ବ୍ଲକ ଅଧ୍ୟକ୍ଷ ରହିଥିଲେ। ସୁଶାନ୍ତ ସ୍ଥାନୀୟ ବିଧାୟକଙ୍କ ସାଲୁଗା ପ୍ରଧାନଙ୍କ ସାନ ଭାଇ।