ମୁମ୍ବାଇ,୧୩ ।୯: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁ୍ତ ମୃତ୍ୟୁ ମାମଲାର ଯାଞ୍ଚ ଏବେ ୩ଟି ଏଜେନ୍ସି କରୁଛନ୍ତି । ଆଉ ଏହି ମାମଲାରେ ତାଙ୍କର ବାନ୍ଧବି କୁହାଯାଉଥିବା ରିଆ ଚକ୍ରବର୍ତ୍ତିଙ୍କ ସମେତ କେତେଜଣ ଗିରଫ ମଧ୍ୟ ହୋଇ ସାରିଲେଣି । ଏହାକୁ ନେଇ ଦିନକୁ ଦିନ ନୂଆ ନୂଆ ତଥ୍ୟ ବି ସାମ୍ନାକୁ ଆସୁଛି । ଆଉ ଏବେ ଏହି କାହାଣୀ ଫିଲ୍ମ ନିର୍ମାତାଙ୍କ ପାଇଁ ବେଶ୍ ଖୋରାକ ଯୋଗାଉଛି । ଏହାକୁ ନେଇ ଏବେ ଫିଲ୍ମ ନିର୍ମାଣ କରାଯିବାକୁ ଚିନ୍ତା କରାଗଲାଣି । ଏହା ପୂର୍ବରୁ ମଧ୍ୟ ବଲିଉଡ୍ର କିଛି ହାଇ ପ୍ରୋଫାଇଲ ମାମଲାକୁ ନେଇ ଫିଲ୍ମ ନିର୍ମାଣ କରାଯାଇଥିବା ଦେଖାଯାଇଛି । ଆଉ ମର୍ଡର ମିଷ୍ଟ୍ରିକୁ ନେଇ ନିର୍ମାତା କରିବା କଥା କେବେ ବି ଭୁଲ୍ତି ନାହିଁ ମେକର୍ସ । ଏହାସହ ସ୍କ୍ରିପ୍ଟରେ ରୋଚକ ତଥ୍ୟ ଦେବାକୁ ମଧ୍ୟ ଭୁଲନ୍ତି ନାହିଁ । ଏବେ ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା ଓ ଉତ୍ତରପ୍ରଦେଶ ପୋଲିସ ଏନ୍କାଉଣ୍ଟରରେ ମୃତ୍ୟୁ ହୋଇଥିବା କୁଖ୍ୟାତ ଅପରାଧୀ ବିକାଶ ଦୁବେଙ୍କ ଉପରେ ଫିଲ୍ମ ନିର୍ମାଣ କରିବାକୁ ଆଗ୍ରହ ପ୍ରକାଶ କରାଯାଉଥିବା ଦେଖାଯାଇଛି । ସମ୍ବାଦ ସରୋବରାହ ସଂସ୍ଥା ଆଇଏଏନ୍ଏସ୍ର ସୂଚନା ଅନୁଯାୟୀ, ଯଦିଓ ସୁଶାନ୍ତଙ୍କ ମୃତ୍ୟୁ ମାମଲାର ଯାଞ୍ଚ ଚାଲିଛି ତଥାପି ମେକର୍ସ ଏହି ଦୁଇଟି ଘଟଣାକୁ ନେଇ ଫିଲ୍ମ ନିର୍ମାଣ କରିବେ ବୋଲି ଟାଇଟଲ ରେଜିଷ୍ଟର କରିବା ଆରମ୍ଭ କରିଥିବା ଦେଖାଯାଇଛି ।