ମୁମ୍ବାଇ: ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାରେ ଦିନକୁ ଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ସୁଶାନ୍ତଙ୍କ ଗର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତୀଙ୍କୁ ଏହି ଘଟଣାର ମୁଖ୍ୟ ଅଭିଯୁକ୍ତ ବୋଲି ବିଭିନ୍ନ ମହଲରୁ ଅଭିଯୋଗ ହୋଇଆସୁଛି। ସୁଶାନ୍ତଙ୍କ ପିତା କେ.କେ.ସିଂହ ମଧ୍ୟ ରିୟାଙ୍କୁ ଦୋଷାରୋପ କରି କହିଛନ୍ତି ଯେ, ତାଙ୍କ ପୁଅଙ୍କ ଟଙ୍କାରେ ରିୟା ୟୁରୋପ ଯାତ୍ରା କରି ମଉଜ ମଜଲିସ୍ କରିଥିଲେ। ଖାଲି ରିୟା ନୁହନ୍ତି, ତାଙ୍କ ପରିବାର ମଧ୍ୟ ସୁଶାନ୍ତଙ୍କ ଟଙ୍କାରେ ୟୁରୋପ ବୁଲିବାକୁ ଯାଇଥିଲେ।
ଅନ୍ୟପକ୍ଷରେ ପ୍ରଥମଥର ପାଇଁ ଏହି କଥାର ଉତ୍ତର ରଖିଛନ୍ତି ରିୟା। ଏକ ସାକ୍ଷାତକାରେ ସେ କହିଛନ୍ତି, ପ୍ୟାରିସରେ ଏକ କମ୍ପାନୀ ପାଇଁ ମୋ’ର ଶୁଟିଂ ଥିଲା। ଏହି କମ୍ପାନୀର ନାଁ ହେଉଛି ଶିଏନ୍। ଯାହା ଏକ କପଡ଼ା କମ୍ପାନୀ। ଏଥିରେ ତାଙ୍କର ଫ୍ୟାଶନ ଶୋ’ ଥିଲା। ଏହା ସହିତ ହୋଇଥିବା କଥାବାର୍ତ୍ତା ଏବଂ ସମସ୍ତ ପ୍ରମାଣ ମଧ୍ୟ ତାଙ୍କ ନିକଟରେ ରହିଛି। ଏହି ଫ୍ୟାଶନ ଶୋ’ରେ ଯୋଗ ଦେବାକୁ ମୋତେ ପ୍ୟାରିସ୍ରୁ ଡାକରା ଆସିଥିଲା। ମୋ’ ପାଇଁ ଟିକେଟ୍ ଏବଂ ହୋଟେଲ ବୁକ୍ ହୋଇଥିଲା। କିନ୍ତୁ ସୁଶାନ୍ତ ଭାବୁଥିଲେ ଏଥିରେ ୟୁରୋପ ଯାତ୍ରା ହୋଇଯିବ। ତେଣୁ ସେ ମୋ’ ଟିକେଟ୍ ବାତିଲ କରି ଫାଷ୍ଟ କ୍ଲାସ୍ ଟିକେଟ୍ ବୁକ୍ କରିଥିଲେ। ଯାହାର ପ୍ରମାଣ ଏବେ ବି ମୋ’ ପାଖରେ ଅଛି। ରିୟା ସୁଶାନ୍ତଙ୍କ ଇଚ୍ଛା ସମ୍ପର୍କରେ ମଧ୍ୟ କହିଛନ୍ତି। ସେ କହିଛନ୍ତି, ଏହା ସୁଶାନ୍ତ କରିଥିଲେ। ମୋ’ର ଏଥିରେ କିଛି ଦୋଷ ନ ଥିଲା। ମୁଁ ଚାହଁୁ ନ ଥିଲି ଏତେ ଟଙ୍କା ଖର୍ଚ୍ଚ ହେଉ ବୋଲି। ମାତ୍ର ସୁଶାନ୍ତ ଅୟସପ୍ରିୟ ଥିଲେ। ସେ ରାଜା ପରି ଜୀବନଯାପନ କରି ଟଙ୍କା ଖର୍ଚ୍ଚ କରୁଥିଲେ।
