ବମ୍ବେ: ଦିନକୁ ଦିନ ନୂଆ ମୋଡ ନେବାରେ ଲାଗିଛି ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣା। ଇତିମଧ୍ୟରେ ଦୁଇ ମାସରୁ ଅଧିକ ସମୟ ବିତିସାରିଥିଲେ ହେଁ ଅଭିନେତା ଆତ୍ମହତ୍ୟା କରିବାର କାରଣ ସ୍ପଷ୍ଟ ହୋଇପାରୁନାହିଁ। ଅପରପକ୍ଷେ ନ୍ୟାୟ ପାଇଁ ଲଗାତାର ଭାବେ ସ୍ବର ଉଠୁଛି। ଏବେ ସୁଶାନ୍ତଙ୍କ ଉଭଣୀ ଶ୍ୱେତା ସିଂ କୀର୍ତ୍ତି ଭାଇଙ୍କ ପାଇଁ ସିବିଆଇ ତଦନ୍ତ ଚାହୁଁଥିବା ପ୍ରକାଶ କରିଛନ୍ତି।
ଶ୍ୱେତା ଟୁଇଟରରେ ଏକ ଫଟୋ ଶେୟାର କରିଛନ୍ତି। ସେଥିରେ ସେ ଏକ ପ୍ଲାକାର୍ଡ ଧରିଛନ୍ତି। ମୁଁ ସୁଶାନ୍ତଙ୍କ ଭଉଣୀ। ସୁଶାନ୍ତଙ୍କ ମାମଲାର ସିବିଆଇ ଯାଞ୍ଚ ହେଉ ବୋଲି ମୁଁ ଅପିଲ କରୁଛି। ଦୟାକରି ଆମ ପରିବାର ଏବଂ ସମଗ୍ର ବିଶ୍ୱର ସହାୟତା କରନ୍ତୁ ବୋଲି ସେ କହିଛନ୍ତି।
ସେହିଭଳି ଅନ୍ୟ ଏକ ଭିଡିଓ ପୋଷ୍ଟ କରି ଶ୍ୱେତା ନିରପେକ୍ଷ ତଦନ୍ତ ପାଇଁ ସିବିଆଇ ଯାଞ୍ଚ ଜରୁରୀ। ସତ ବାହାରକୁ ଆସୁ ବୋଲି ସେ ଚାହୁଁଥିବା କହିଛନ୍ତି। ଆଜି ସୁପ୍ରିମକୋର୍ଟରେ ସୁଶାନ୍ତଙ୍କ ଯାଞ୍ଚକୁ ନେଇ ନିଷ୍ପତ୍ତି ହେବାକୁ ଥିବା ବେଳେ ଶ୍ୱେତାଙ୍କ ଏହି ଭିଡିଓ ବେଶ୍ ଭାଇରାଲ ହେଉଛି।