ମୁମ୍ବାଇ,୮।୯-ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଡ୍ରଗ୍ସର ସଂଯୋଗ ସମ୍ପର୍କରେ ଅନୁସନ୍ଧାନ କରୁଥିବା ନାର୍କୋଟିକ କଣ୍ଟ୍ରୋଲ ଅଫ ବ୍ୟୁରୋ (ଏନସିବି) ମଙ୍ଗଳବାର ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଛି। ରିୟାଙ୍କ ଗିରଫ ଖବର ସାମ୍ନାକୁ ଆସିବା ପରେ ସୁଶାନ୍ତଙ୍କ ଭଉଣୀ ଶ୍ୱେତା ସିଂ ର୍କିତ୍ତୀ ଟୁଇଟ କରି ନିଜର ପ୍ରତିକ୍ରିୟା ରଖିଛନ୍ତି। ସେ ଟୁଇଟରେ ଉଲ୍ଲେଖ କରିଛନ୍ତି, ଭଗବାନ ଆମ ସହ ଅଛନ୍ତି।
ପ୍ରକାଶ ଯେ, ଗତ ରବିବାର ଏବଂ ସୋମବାର ନାର୍କୋଟିକ କଣ୍ଟ୍ରୋଲ ଅଫ ବ୍ୟୁରୋ (ଏନସିବି) ପକ୍ଷରୁ ରିୟାଙ୍କୁ ପଚରାଉଚରା କରାଯାଇଥିଲା। ହେଲେ ସେ ଡ୍ରଗ୍ସ ନେଇଥିବା କଥାକୁ ଅସ୍ବୀକାର କରିଥିଲେ। ଆଜି ତୃତୀୟ ଦିନରେ ଜେରା ପରେ ରିୟା ଏନସିବି ସାମ୍ନାରେ ଡ୍ରଗ୍ସ ନେଇଥିବା କଥା ସ୍ବୀକାର କରିଥିଲେ।