ନୂଆଦିଲ୍ଲୀ,୧୩।୪: ଦେଶର ୨୪ତମ ମୁଖ୍ୟ ନିର୍ବାଚନ କମିଶନର(ସିଇସି) ଭାବେ ସୁଶୀଲ ଚନ୍ଦ୍ରା ମଙ୍ଗଳବାର ଦାୟିତ୍ୱ ଗ୍ରହଣ କରିଛନ୍ତି। ସେ ୨୦୨୨ ମେ ୧୪ରେ ଅବସର ଗ୍ରହଣ କରିବେ। ତାଙ୍କ କାର୍ଯ୍ୟକାଳ ମଧ୍ୟରେ ଗୋଆ, ମଣିପୁର, ଉତ୍ତରାଖଣ୍ଡ, ପଞ୍ଜାବ ଏବଂ ଉତ୍ତରପ୍ରଦେଶ ଆଦି ୫ ରାଜ୍ୟର ବିଧାନସଭା ନିର୍ବାଚନ ସମ୍ପନ୍ନ କରାଯିବ। ଗୋଆ, ମଣିପୁର, ଉତ୍ତରାଖଣ୍ଡ, ପଞ୍ଜାବ ଆଦି ରାଜ୍ୟର ବିଧାନସଭାର କାର୍ଯ୍ୟକାଳ ୨୦୨୨ ମାର୍ଚ୍ଚରେ ଶେଷ ହେଉଥିବାବେଳେ ଉତ୍ତରପ୍ରଦେଶ ବିଧାନସଭାର କାର୍ଯ୍ୟକାଳ ୨୦୨୨ ମେ ୧୪ରେ ଶେଷ ହେଉଛି। ସୂଚନାଯୋଗ୍ୟ, ସୁଶୀଲ ଚନ୍ଦ୍ରା ଆଇଆଇଟିରୁ ବି-ଟେକ୍ ପାସ୍ କରିଛନ୍ତି। ଭାରତୀୟ ରାଜସ୍ବ ସେବାର ଆୟକର କ୍ୟାଡରର ୧୯୮୦ ବ୍ୟାଚ୍ ଅଫିସର।
