ନୂଆଦିଲ୍ଲୀ,୪।୮: ଜାତୀୟ ରେସଲିଂ ଚାମ୍ପିଅନ ସାଗର ଧନଖର ହତ୍ୟା ମାମଲାରେ ପୁଣି ନୂଆ ଖୁଲାସା ହୋଇଛି। ରେସଲର ସୁଶୀଲ କୁମାର ଏବଂ ତାଙ୍କ ସହଯୋଗୀମାନେ ଛତ୍ରସାଲ ଷ୍ଟାଡିୟମର ଥିବା ଏକ ରୁମ୍ରେ ତାଲା ପକାଇବା ସାଗରଙ୍କୁ ୩୦ରୁ ୪୦ ମିନିଟ ପର୍ଯ୍ୟନ୍ତ ହକି ବାଡି ଏବଂ ବେସବଲ ପିଟିଥିଲେ। ହତ୍ୟା ମାମଲାରେ ଦିଲ୍ଲୀ ପୋଲିସ ଦାଖଲ କରିଥିବା ଚାର୍ଜସିଟରେ ଏହି ସୂଚନା ଦିଆଯାଇଛି। ସମ୍ପତ୍ତି ବିବାଦକୁ ନେଇ ସାଗରଙ୍କୁ ମାଡ ମାରିଥିଲେ। ପରେ ସାଗରଙ୍କର ମୃତ୍ୟୁ ହୋଇଥିଲା।
ପୋଲିସର ଅନୁସନ୍ଧାନରୁ ଜଣାପଡିଛି ଯେ ସାଗର ଏବଂ ତାଙ୍କ ସାଙ୍ଗମାନଙ୍କୁ ଦିଲ୍ଲୀର ଦୁଇଟି ଭିନ୍ନ ସ୍ଥାନରୁ ଅପହରଣ କରି ଷ୍ଟାଡିୟମକୁ ଅଣାଯାଇଥିଲା, ଯାହା ପରେ ଭିତର ଫାଟକ ବନ୍ଦ ହୋଇଯାଇଥିଲା ଏବଂ ସୁରକ୍ଷାକର୍ମୀଙ୍କୁ ବାହାରକୁ ଯିବାକୁ କୁହାଯାଇଥିଲା। ପ୍ରାୟ ଏକ ହଜାର ପୃଷ୍ଠାର ଅନ୍ତିମ ରିପୋର୍ଟରେ ପୋଲିସ ଏହା କହିଛି। ଚାର୍ଜସିଟରେ ଏହି ମାମଲାର ଅନୁସନ୍ଧାନ କରୁଥିବା କ୍ରାଇମ ବ୍ରାଞ୍ଚ ମଧ୍ୟ ଏହା ପ୍ରକାଶ କରିଛି। ସୁଶୀଲ କୁମାର ଏବଂ ଅନ୍ୟ ୧୨ ଜଣଙ୍କ ବିରୋଧରେ ପୋଲିସ ଏକ ଚାର୍ଜସିଟ ଦାଖଲ କରିଥିଲା ଯେଉଁଥିରେ ଅଲିମ୍ପିକ ପଦକ ବିଜେତା ସୁଶୀଲଙ୍କୁ ମୁଖ୍ୟ ଅଭିଯୁକ୍ତ ଭାବେ ନାମିତ କରାଯାଇଛି।