ଖଇରା, ୨।୩(ଡି.ଏନ.ଏ.) ବାଲେଶ୍ୱର ଜିଲା ଖଇରା ବ୍ଲକର ୬ନଂ. ଗର୍ସଙ୍ଗ ଜୋନ ଓ ୫ନଂ. ତୁଡିଗଡିଆ ଜିଲାପରିଷଦ ଜୋନ ବିଜେଡି ସପକ୍ଷରେ ଯାଇଛି ା ୬ନଂ. ଜୋନର ବିଜେଡି ପ୍ରାର୍ଥତ୍ନୀ ସୁଷମା ମହାପାତ୍ର ତାଙ୍କର ନିକଟତମ ପ୍ରାର୍ଥତ୍ନୀ ଭାଜପାର ମିନାକ୍ଷୀ ମହାପାତ୍ରଙ୍କ ନିକଟରୁ ୧ହଜାର ୫୭୨ଖଣ୍ଡ ଅଧିକ ଭୋଟ ପାଇ ନିର୍ବାଚିତ ହୋଇଛନ୍ତି ା ସୁଷମା ୧୩ହଜାର ୧୮୪ଖଣ୍ଡ ଭୋଟ ପାଇଥିବା ବେଳେ ମିନାକ୍ଷୀ ୧୧ହଜାର ୬୧୨ଖଣ୍ଡ ଓ କଂଗ୍ରେସ ପ୍ରାର୍ଥୀ ବୀଣାପାଣି ଶୁକ୍ଳ ୧ହଜାର ୭୭୬ଖଣ୍ଡ ଭୋଟ ପାଇଛନ୍ତି ା ୫୫୮ଖଣ୍ଡ ନାକଚ ହୋଇଛି। ତୃତୀୟ ଥର ପାଇଁ ଆସନ ହାତେଇ ସୁଷମା ହ୍ୟାଟ୍ରିକ ବିଜୟର ସ୍ବାଦ ଚାଖିଛନ୍ତି। ସେହିଭଳି ୫ନଂ. ଜୋନରେ କଡା ସଂଘର୍ଷ ପରେ ଭାଜପାର ରାଜେଶ ମହାକୁଡ ବିଜେଡିର ମାନସ କୁମାର ଦାଶଙ୍କ ନିକଟରୁ ୪୮୭ଖଣ୍ଡ ଭୋଟରେ ପରାସ୍ତ ହୋଇଛନ୍ତି। ମାନସ ୧୩ହଜାର ୭୯୭ଖଣ୍ଡ, ରାଜେଶ ୧୩ହଜାର ୩୧୦ଖଣ୍ଡ ଓ କଂଗ୍ରେସର ବସନ୍ତ ଦତ୍ତ ୪୫୩ ଖଣ୍ଡ ଭୋଟ ପାଇଛନ୍ତି। ପ୍ରଥମ ରାଉଣ୍ଡରୁ ଶେଷ ରାଉଣ୍ଡ ପର୍ଯ୍ୟନ୍ତ ଗଣତି ପର୍ଯ୍ୟନ୍ତ ଉଭୟ ଆଗପଛ ହୋଇ ଚାଲିଥିବାରୁ କିଏ ବିଜୟୀ ହେବ ସେନେଇ ଫଳାଫଳ ଜାଣିବାକୁ ଗଣନା କେନ୍ଦ୍ର ବାହାରେ ଅପେକ୍ଷା କରିଥିବା ସାଧାରଣ ଜନତା ଉତ୍ସକତାର ସହ ଅପେକ୍ଷା କରି ରହିଥିଲେ। ମାଖନପୁର ପଞ୍ଚାୟତର ୧୧, ୧୨ ଓ ୧୩ନମ୍ବର ବୁଥର ଫଳଫଳ ମାନସଙ୍କ ପାଇଁ ଲକି ସାବ୍ୟସ୍ତ ହେଲା ବୋଲି କୁହାଯାଉଛି। ସେପଟେ ୬ନଂ.ରେ ଗର୍ସଙ୍ଗ, ଅନ୍ତରା, ମାଣିତ୍ରୀ, ପଞ୍ଚାୟତର ଉଭୟ ସରପଞ୍ଚ ଓ ସମିତିସଭ୍ୟ ପଦବୀ, ରପେୟାର ସରପଞ୍ଚ ପଦବୀରେ ବିଜେଡି ସମର୍ଥତ୍ତ ପ୍ରାର୍ଥୀ ଏବଂ ସାରଡାଙ୍ଗ, ଝିଙ୍କିରିଆ, ବଡଜୟୀପୁରର ଉଭୟ ସରପଞ୍ଚ ଓ ସମିତିସଭ୍ୟ ପଦବୀରେ ଭାଜପା ସମର୍ଥତ୍ତ ପ୍ରାର୍ଥୀ ବିଜୟୀ ହୋଇଛନ୍ତି ା ରପେୟା ସମିତିସଭ୍ୟ ପଦବୀରେ ଅସନ୍ତୁଷ୍ଟ ବିଜେଡି ଓ ବରଦା ସରପଞ୍ଚ ପଦବୀରେ ଭାଜପା ମଣ୍ଡଳ ସଭାପତି ପରୀକ୍ଷିତ ମହାପାତ୍ର ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ୫ନଂ. ଜୋନର ନନ୍ଦୁର, ଶ୍ୟାମସୁନ୍ଦରପୁର, ମାଖନପୁର, ଗଗନଧୂଳି, ଜଳଦା ପଞ୍ଚାୟତର ୨ଟି ଯାକ, ଡଗରପଡାର ସରପଞ୍ଚ ପଦବୀ ବିଜେଡି ସମର୍ଥତ୍ତ ପ୍ରାର୍ଥୀ ହାତେଇଥିବା ବେଳେ ଡାଲଙ୍ଗ, ଅଚ୍ୟୁତପୁର, କୁରୁଣ୍ଟାର ଉଭୟ ପଦବୀ ଏବଂ ଡଗରପଡା ସମିତିସଭ୍ୟ ପଦବୀ ଭାଜପା ସମର୍ଥତ୍ତ ପ୍ରାର୍ଥୀ ହାତେଇଛନ୍ତି। ଚଳିତ ପରାଜିତ ହେଭିୱେଟଙ୍କ ମଧ୍ୟରେ ବିଷ୍ଣୁପଦ ଘଡେଇ, ବ୍ରଜକିଶୋର ମହାନ୍ତି, ରାଜେନ୍ଦ୍ର କୁମାର ଜେନା, ମାନସ କୁମାର ମହାପାତ୍ର, ଜୟନ୍ତ କୁମାର ରାଉତ, ଜୟନ୍ତୀ ମହଲା, ସୁଶାନ୍ତ କୁମାର ମହାକୁଡଙ୍କ ନାମ ରହିଛି ା ସେହିଭଳି ବିଭିନ୍ନ ଦଳରୁ ନିର୍ବାଚିତ ଚର୍ଚ୍ଚିତ ଚେହେରା ହେଲେ ରମାକାନ୍ତ ମହାନ୍ତି, ଅଭିଲିପ୍ସା ସାହୁ, ଛବିଲତା ମହାପାତ୍ର, ଗଜେନ୍ଦ୍ର ପ୍ରସାଦ ଦାସ ଓ ଜୟନ୍ତୀ ପତି ା ଚଳିତବର୍ଷ ବିଜେଡିର ସଫଳତା ହାର କମ ପାଇଁ ବିଜେଡିର ଅର୍ନ୍ତଦ୍ୱନ୍ଦ୍ୱ ଓ ଅନ୍ତର୍ଘାତୀ କାର୍ଯ୍ୟ ଦାୟୀ ବୋଲି ଆଲୋଚନା ଚାଲିଛି।