ବଲିଉଡ୍ ଅଭିନେତ୍ରୀ ସୁସ୍ମିତା ସେନ ଆଜିକାଲି ଚର୍ଚ୍ଚାରେ ଅଛନ୍ତି। ପ୍ରେମିକ ରୋହମାନ ଶଲଙ୍କ ସହ ଦୀର୍ଘ ଦିନର ସମ୍ପର୍କ ଶେଷ ହେବା ପରେ ସେ ତାଙ୍କ ଜୀବନରେ ଆଗକୁ ବଢୁଛନ୍ତି। ବୋଲ୍ଡ ଅଭିନେତ୍ରୀ ଭାବେ ଜଣାଶୁଣା ସୁସ୍ମିତା ଏକ ବିଳାଶପୂର୍ଣ୍ଣ ଜୀବନଶୈଳୀ ବିତାନ୍ତି। ରୋଜଗାର ଦୃଷ୍ଟିରୁ ସୁସ୍ମିତା ଅନେକ ବଡ଼ ବଡ଼ ଅଭିନେତ୍ରୀଙ୍କୁ ପଛରେ ପକାଇଛନ୍ତି। ୪୬ ବର୍ଷିୟ ସୁସ୍ମିତା ସେନଙ୍କ ଖ୍ୟାତି ଆଜି ବି କମିନାହିଁ । ପ୍ରଥମେ ବଲିଉଡ ଫିଲ୍ମରେ ନିଜର ପରିଚୟ ସୃଷ୍ଟି କରିବା ପରେ ଏବେ ଓଟିଟି ଯୁଗରେ ପ୍ରାଧାନ୍ୟ ବିସ୍ତାର କରିଛନ୍ତି। ମାତ୍ର ୧୮ ବର୍ଷ ବୟସରେ ମିସ ୟୁନିଭର୍ସ ଟାଇଟଲ ଜିତିଥିବା ସୁସ୍ମିତା କୋଟି କୋଟି ସମ୍ପତ୍ତିର ମାଲିକ ଅଟନ୍ତି ।
ସୁସ୍ମିତା ୧୯୯୬ ମସିହାରେ ଫିଲ୍ମ ‘ଦସ୍ତକ’ ସହିତ ଚଳଚ୍ଚିତ୍ର ଜଗତରେ ଡେବ୍ୟୁ କରିଥିଲେ। ସେହି ଦିନଠାରୁ ଅନେକ ଫିଲ୍ମରେ କାମ କରିଥିବା ସୁସ୍ମିତା କେବଳ ଜାତୀୟ ସ୍ତରରେ ନୁହେଁ, ଅନ୍ତର୍ଜାତୀୟ ସ୍ତରରେ ମଧ୍ୟ ପ୍ରସିଦ୍ଧି ଲାଭ କରିଛନ୍ତି। ସୁସ୍ମିତା ଫିଲ୍ମ ପରେ, ଓଟିଟିରେ ୱେବ ସିରିଜ ‘ଆର୍ଯ୍ୟା’ ହେତୁ ସେ ଅନେକ ଚର୍ଚ୍ଚାରେ ଅଛନ୍ତି। ଏତେ ବର୍ଷ ଧରି ନିରନ୍ତର ଭାବେ କାମ କରୁଥିବା ସୁସ୍ମିତା କୋଟି କୋଟି ଟଙ୍କା ରୋଜଗାର କରିଛନ୍ତି। ସୁସ୍ମିତା ସେନଙ୍କ ସମ୍ପତ୍ତି ମୂଲ୍ୟ ପ୍ରାୟ ୭୪ କୋଟି ଟଙ୍କା। ସୁସ୍ମିତା ପ୍ରତି ମାସରେ ପ୍ରାୟ ୬୦ଲକ୍ଷ ଟଙ୍କା ଆୟ କରିଥାନ୍ତି। ସେ ତାଙ୍କର ପ୍ରତ୍ୟେକ ଚଳଚ୍ଚିତ୍ର ପାଇଁ ପ୍ରାୟ ୩ ରୁ ୪ କୋଟି ଚାର୍ଜ କରନ୍ତି। ଏହା ବ୍ୟତୀତ ସେ ମଡେଲିଂରୁ ମଧ୍ୟ ବହୁତ ରୋଜଗାର କରିଛନ୍ତ। ଫିଲ୍ମ ବ୍ୟତୀତ ସୁସ୍ମିତାଙ୍କ ରୋଜଗାରର ଏକ ପ୍ରମୁଖ ଉତ୍ସ ହେଉଛି ବ୍ରାଣ୍ଡ ପ୍ରମୋସନ। ସେ ବିଜ୍ଞାପନରୁ ପ୍ରାୟ୧.୫ କୋଟି ଟଙ୍କା ରୋଜଗାର କରନ୍ତି ।
