![](https://www.dharitri.com/wp-content/uploads/2022/11/Susmita.jpg)
ମୁମ୍ବାଇ: ବଲିଉଡ ଅଭିନେତ୍ରୀ ତଥା ପୂର୍ବତନ ବିଶ୍ୱ ସୁନ୍ଦରୀ ସୁସ୍ମିତା ସେନ ଶନିବାର ତାଙ୍କର ୪୭ ତମ ଜନ୍ମଦିନ ପାଳନ କରୁଛନ୍ତି । ଅଭିନେତ୍ରୀ ସବୁବେଳେ କିଛି ନା କିଛି କାରଣ ପାଇଁ ରହିଥାଆନ୍ତି ଚର୍ଚ୍ଚାରେ । ଅଭିନୟକୁ ନେଇ ସେ ଯେତିକି ଚର୍ଚ୍ଚିତ ତାଙ୍କ ପର୍ସନାଲ ଲାଇଫକୁ ନେଇ ବି ସେ ଅନେକ ସମୟରେ ଚର୍ଚ୍ଚାର ପରିସରକୁ ଆସିଥାଆନ୍ତି । ସୋସିଆଲ ମିଡିଆରେ ଖୁବ୍ ଆକ୍ଟିଭ ସୁସ୍ମିତା । ଏଥର ଜନ୍ମଦିନକୁ ନେଇ ସେ ଖୁବ୍ ଏକ୍ସାଇଟେଡ ଅଛନ୍ତି । ଏଥର ସେ ଏକ ସେଲଫି ସହ ଏକ ନୋଟ ଶେୟାର କରିଛନ୍ତି । ଲାଗୁଛି ଏଥର ଜନ୍ମଦିନରେ କିଛି ଗୋଟେ ବଡ ନିଷ୍ପତ୍ତି ନେଇ ପାରନ୍ତି ସୁସ୍ମିତା ।
ନୋଟରେ ଅଭିନେତ୍ରୀ ଲେଖିଛନ୍ତି,’ ୪୭ ବର୍ଷ ଫାଇନାଲି! ଏହା ଏମିତି ଏକ ନମ୍ବର ଯାହା ମୋତେ ୧୩ ବର୍ଷ ହେଲା ପିଛା କରି ଆସୁଛି । ଏକ ଅବିଶ୍ୱନୀୟ ବର୍ଷ ଦସ୍ତକ ଦେବାକୁ ଯାଉଛି । ମୁଁ ବହୁତ ଆଗରୁ ଏହା ଜାଣିଥିଲି । ଏହାର ସୂଚନା ଦେଉଥିବା ବେଳେ ମୁଁ ରୋମାଞ୍ଚିତ ଅନୁଭବ କରୁଛି ।’ ସୂଚନାଯୋଗ୍ୟ ସୁସ୍ମିତା ଆଜି ୪୭ ବର୍ଷରେ ପାଦ ରଖିଛନ୍ତି । ତାଙ୍କର ଏହି କ୍ୟାପଶନରୁ ପ୍ରଶଂସକ ଅନୁମାନ କରୁଛନ୍ତି କି ହୁଏତ ଅଭିନେତ୍ରୀ ନିଜ ଜୀବନ ସହ ଜଡିତ କିଛି ବଡ ନିଷ୍ପତ୍ତି ଘୋଷଣା କରିପାରନ୍ତି ।
ସୁସ୍ମିତାଙ୍କ ଏହି ପୋଷ୍ଟରେ ପ୍ରଶଂସକ ଭିନ୍ନ ଭିନ୍ନ କମେଣ୍ଟ କରିବା ସହ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଉଛନ୍ତି । ସୁସ୍ମିତାଙ୍କ ପର୍ସନାଲ ଲାଇଫ କଥା ଯଦି ଆଲୋଚନା କରିବା ତେବେ ସେ ଦୁଇଟି ଝିଅ ରିନି ଓ ଅଲିଶାଙ୍କ ସିଙ୍ଗଲ ମଦର । ସୁସ୍ମିତା ବିବାହ କରି ନାହାନ୍ତି ହେଲେ ଏହି ଦୁଇ ଝିଅଙ୍କୁ ସେ ପାଳିତା କନ୍ୟା ଭାବେ ଗ୍ରହଣ କରିଛନ୍ତି । କିଛିଦିନ ତଳେ ଆଇପିଏଲର ଫାଉଣ୍ଡର ଲଳିତ ମୋଦିଙ୍କ ସହ ତାଙ୍କ ଆଫେୟାର୍ସକୁ ନେଇ ଖୁବ୍ ଚର୍ଚ୍ଚା ହୋଇଥିଲା ।