ମୁମ୍ବାଇ: ବଲିଉଡ୍ ନାୟିକା ସୁସ୍ମିତା ସେନଙ୍କର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଥିରେ ସେ ହ୍ୱାଇଟ କଲରର ଥାଇ ସ୍ଲିଟ ଡ୍ରେସ୍ ପିନ୍ଧିଥିବା ନଜର ଆସୁଛନ୍ତି । ଏହି ଡ୍ରେସ ସହ ସେ ହାଇ ହିଲ୍ଡ କ୍ୟାରି କରିଛନ୍ତି । ଅଭିନେତ୍ରୀ ଏକ ଜୁଏଲାରୀ ଶପରୁ ବାହାରି ଆସୁଥିବା ବେଳେ ତାଙ୍କୁ ସ୍ପଟ କରାଯାଇଛି । ତେବେ ସେଠାରୁ ବାହାରକୁ ବାହାରିବା ପରେ ପରେ ସେ ଝୁଣ୍ଟି ପଡୁଛନ୍ତି ଓ ପଡୁ ପଡୁ ରହି ଯାଉଛନ୍ତି ବୋଲି ବି କହିଛନ୍ତି । ଏବେ ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭୁମ୍ପଲା ଇନଷ୍ଟାଗ୍ରାମରେ ଏହାକୁ ଶେୟାର କରାଯାଇଛି । ସୂଚନାଯୋଗ୍ୟ, ସୁସ୍ମିତା ୧୦ ବର୍ଷ ପରେ ପୁଣିଥରେ ପରଦାକୁ ଫେରିଛନ୍ତି । ଅଭିନେତ୍ରୀ ଗତବର୍ଷ ‘ଆର୍ଯ୍ୟା’ ନାମକ ଏକ ୱେବ ସିରିଜରେ ଦେଖାଦେଇଥିଲେ । ଏଥିରେ ସୁସ୍ମିତାଙ୍କ କାମକୁ ଦର୍ଶକେ ବେଶ୍ ପସନ୍ଦ କରିଥିଲେ । କିଛିଦିନ ପୂର୍ବରୁ ‘ଆର୍ଯ୍ୟା’କୁ ବେଷ୍ଟ ଡ୍ରାମା ଶ୍ରେଣୀରେ ଏମ୍ମି ନୋମିନେଶନ ମିଳିଛି । ଏହି ୱେବ ସିରିଜର ସିଜନ ୨ ଖୁବଶୀଘ୍ର ଆସିପାରେ । ଆର୍ଯ୍ୟା ୨ର ଶୁଟିଂ ସୁସ୍ମିତା ପୁରା କରି ସାରିଛନ୍ତି । ୯୦ ଦଶକରେ ସୁସ୍ମିତା ସୁନ୍ଦର ଓ ଟ୍ୟାଲେଣ୍ଟେଡ ଅଭିନେତ୍ରୀଙ୍କ ମଧ୍ୟରୁ ଜଣେ ଥିଲେ । କିଛି ଫିଲ୍ମରେ କାମ କରିବା ପରେ ୨୦୦୧ରୁ ସେ ବ୍ରେକ୍ ନେଇଥିଲେ । ଏହାର ଠିକ୍ ୧୦ ବର୍ଷ ପରେ ୨୦୨୦ରେ ପୁଣି ପରଦାକୁ ଫେରିଲେ ଓ ଡିଜିଟାଲ ଡେବ୍ୟୁ କଲେ ।