ପାଟନା,୧୮।୩: ବିହାରରେ ସୋମବାର ସକାଳେ ଏକ ବଡ଼ ଦୁର୍ଘଟଣା ଘଟିଛି। ଖାଗରିଆର ରାଜପଥରେ ଏକ ଏସୟୁଭି ଟ୍ରାକ୍ଟରକୁ ଧକ୍କା ଦେଇଥିଲା। ଏହି ଭୟଙ୍କର ଦୁର୍ଘଟଣାରେ ବାପା ଏବଂ ଦୁଇ ପୁଅଙ୍କ ସମେତ ୯ ଜଣଙ୍କର ମୃତ୍ୟୁ ହୋଇଥିବାବେଳେ ତିନି ଜଣ ଆହତ ହୋଇଛନ୍ତି। ଆହତମାନଙ୍କୁ ଖାଗରିଆ ସଦର ହସ୍ପିଟାଲରୁ ଭଲ ଚିକିତ୍ସା ପାଇଁ ଭାଗଲପୁରର ମାୟାଗଞ୍ଜ ଡାକ୍ତରଖାନାକୁ ପଠାଯାଇଛି। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା।
ଗାଡିରେ ଯାତ୍ରା କରୁଥିବା ୭ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବାବେଳେ ସଦର ହସ୍ପିଟାଲ ଖାଗରିଆରେ ଚିକିତ୍ସା ସମୟରେ ଦୁଇଜଣଙ୍କର ମୃତ୍ୟୁ ଘଟିଛି।