ବରଗଡ଼ ଅଫିସ,୧୨।୮: ସ୍ବଭାବ କବି ଗଙ୍ଗାଧର ମେହେରଙ୍କ ଆଜି ୧୬୧ତମ ଜୟନ୍ତୀ। ବିଭିନ୍ନ ସ୍ଥାନରେ ଏହି ସମାରୋହକୁ ଉତ୍ସାହର ସହ ପାଳନ କରାଯାଉଛି। ଏହି ଅବସରରେ ଶୁକ୍ରବାର କବି ଗଙ୍ଗାଧରଙ୍କ ଜନ୍ମମାଟି ବରଗଡ଼ ଜିଲା ବରପାଲିରୁ ଗଙ୍ଗାଧର ଜ୍ୟୋତିଯାତ୍ରା ବାହାରିଛି। ସକାଳ ୭ଟାରେ କବି ଭବନରେ ଜ୍ୟୋତି ପ୍ରଜ୍ଜ୍ବଳନ ପରେ ଏହି ଯାତ୍ରା ବରଗଡ଼ ଅଭିମୁଖେ ବାହାରିଥିଲା। ବରଗଡ଼ ଆସିବା ବାଟରେ ଗଙ୍ଗାଧର ଜ୍ୟୋତିଯାତ୍ରାକୁ ବିଭିନ୍ନ ସ୍ଥାନରେ ସମ୍ମାନ ଓ ସମ୍ବର୍ଦ୍ଧନା ଦିଆଯାଇଥିଲା। ଏଥିରେ ଅଞ୍ଚଳର ସାହିତ୍ୟପ୍ରେମୀ, ଖବରଦାତା, ସଚେତନ ନାଗରିକ, ବୁଦ୍ଧିଜୀବୀ ଏବଂ ଛାତ୍ରୀଛାତ୍ର ସାମିଲ ଥିଲେ। ଜ୍ୟୋତିଯାତ୍ରା ପହଞ୍ଚିବା ପରେ ବରଗଡ଼ ବିଜୁ ପଟ୍ଟନାୟକ ଟାଉନ ହଲରେ ଏକ ସାରସ୍ବତ ସଭା ଅନୁଷ୍ଠିତ ହୋଇଥିଲା।