ମୁମ୍ବାଇ,୨୭।୮: ଅଗଷ୍ଟ ୨୩ରେ, ଭାରତର ଚନ୍ଦ୍ରୟାନ -୩ ମିଶନ ଚନ୍ଦ୍ରର ସାଉଥ ପୋଲ ଉପରେ ସପ୍ଟ ଲ୍ୟାଣ୍ଡିଂ କରି ମହାକାଶରେ ଇତିହାସ ସୃଷ୍ଟି କଲା। ଯାହା ପରେ ସମଗ୍ର ଦେଶରେ ଉତ୍ସବ ପାଳନ କରିବାର ପରିବେଶ ସୃଷ୍ଟି ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଘୋଷଣା କରିଥିଲେ ଯେ ଚନ୍ଦ୍ରୟାନ -୩ର ଅବତରଣ ସ୍ଥାନକୁ ‘ଶିବ ଶକ୍ତି’ ପଏଣ୍ଟ କୁହାଯିବ। ଏହି ନାମକରଣ ପରେ ଦେଶର ରାଜନୀତି ମଧ୍ୟ ତୀବ୍ର ହୋଇଛି।
ବର୍ତ୍ତମାନ ହିନ୍ଦୁ ମହାସଭାର ସଭାପତି ସ୍ବାମୀ ଚକ୍ରପାଣି ମଧ୍ୟ ଏହି ପ୍ରସଙ୍ଗରେ ଏକ ବୟାନ ଦେଇଛନ୍ତି। ନ୍ୟୁଜ ଏଜେନ୍ସି ଏଏନଆଇ ଅନୁଯାୟୀ ସେ ରବିବାର କହିଛନ୍ତି ଯେ ଜିହାଡି ମାନସିକତାର ଲୋକମାନେ ଚନ୍ଦ୍ରରେ ପହଞ୍ଚିବା ପୂର୍ବରୁ ଚନ୍ଦ୍ରକୁ ହିନ୍ଦୁ ରାଷ୍ଟ୍ର ଘୋଷିତ କରାଯିବା ଉଚିତ ଏବଂ ଶିବକ୍ଷେତ୍ର ପଏଣ୍ଟକୁ ହିନ୍ଦୁ ରାଷ୍ଟ୍ରର ରାଜଧାନୀ କରାଯିବା ଉଚିତ। ଆମେ ଆହୁରି ମଧ୍ୟ ପ୍ରସ୍ତାବ ଦେଇଛୁ କି ଶିବଶକ୍ତି ପଏଣ୍ଟରେ ଭଗବାନ ଶିବ, ମା’ ପାର୍ବତି ଓ ଭଗବାନ ଗଣେଶଙ୍କ ଭବ୍ୟ ମନ୍ଦିର ନିର୍ମାଣ କରାଯାଉ ଯେଉଁଠାକୁ ଯିବା ଆସିବା ସୁଲଭ ହେବ।