ମୁମ୍ବାଇ,୨୩।୧୧:ମହାରାଷ୍ଟ୍ର ବିଧାନସଭା ନିର୍ବାଚନ ଫଳାଫଳକୁ ନେଇ ପ୍ରଶ୍ନ ଉଠାଇଛନ୍ତି ଅଭିନେତ୍ରୀ ସ୍ବରା ଭାସ୍କର। ତାଙ୍କର ସ୍ବାମୀ ନିର୍ବାଚନରେ ପରାଜିତ ହେବା ପରେ ପୁରା ଦିନ ଭୋଟିଂ ସତ୍ତ୍ୱେ ଇଭିଏମ୍ ୯୯% କିଭଳି ଚାର୍ଜ ରହିପାରିବ? ପୁରା ଚାର୍ଜ ଥିବା ମେଶିନ ଖୋଲିବା ପରେ ଭାଜପା ସମର୍ଥିତ ଏନ୍ସିପିକୁ ଭୋଟ ମିଳିଥିଲା ବୋଲି ସେ କହିଛନ୍ତି। ଏନେଇ ସେ ନିର୍ବାଚନ କମିଶନଙ୍କୁ ଜବାବ ମାଗିଛନ୍ତି।
ଚଳିତ ବର୍ଷ ଅକ୍ଟୋବରରେ ହରିୟାଣା ନିର୍ବାଚନ ଗଣନା ପରେ କଂଗ୍ରେସ ମଧ୍ୟ ଏହି ମାମଲା ଉଠାଇଥିଲା। କଂଗ୍ରେସ ମହାସଚିବ ଜୟରାମ ରମେଶ କହିଥିଲେ ଯେ ୬୦ରୁ ୭୦% ବ୍ୟାଟେରୀ ଚାର୍ଜ ଥିବା ଇଭିଏମ୍ରେ ଭାଜପା ଜିତୁଥିବା କିଛି କଂଗ୍ରେସ କର୍ମୀ ଅଭିଯୋଗ କରିଥିଲେ। ଏହା ପରେ ଏକ ଖବରଦାତା ସମ୍ମିଳନୀରେ ଦଳ ନିର୍ବାଚନ ପରିଣାମକୁ ସ୍ବୀକାର କରିପାରିବ ନାହିଁ ବୋଲି କହିଥିଲେ।