ନୂଆଦିଲ୍ଲୀ, ୧୪।୧୨ (ପି.ଟି.): ଚଳିତ ବର୍ଷର ମେଜର ଧ୍ୟାନଚାନ୍ଦ ଖେଳ ରନତ୍ ପୁରସ୍କାର ପାଇଁ ପୁରୁଷ ଡବଲ୍ସ ବ୍ୟାଡ୍ମିଣ୍ଟନ ଖେଳାଳି ସାତ୍ତ୍ୱିକ ସାଇରାଜ ରାଙ୍କିରେଡ୍ଡୀ ଓ ଚିରାଗ ଶେଟ୍ଟିଙ୍କ ନାମ ସୁପାରିସ କରାଯାଇଛି। ସେହିପରି ଅର୍ଜୁନ ପୁରସ୍କାର ପାଇଁ ସୁପାରିସ ତାଲିକାରେ ଟିମ୍ ଇଣ୍ଡିଆ ଦ୍ରୁତ ବୋଲର ମହମ୍ମଦ ଶାମିଙ୍କୁ ସାମିଲ କରାଯାଇଛି। ପୂର୍ବରୁ ଶାମିଙ୍କ ନାମ ନ ଥିଲା, ମାତ୍ର ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ପକ୍ଷରୁ ସ୍ବତନ୍ତ୍ର ଅନୁରୋଧ ପରିପ୍ରେକ୍ଷୀରେ ଏହି ଦ୍ରୁତ ବୋଲରଙ୍କ ନାମ ସୁପାରିସ କରାଯାଇଛି। ଗତ ଦିନିକିଆ କ୍ରିକେଟ ବିଶ୍ୱକପରେ ଶାମି ଚମତ୍କାର ବୋଲିଂ କରି ୨୪ଟି ଉଇକେଟ ଅକ୍ତିଆର କରିଥିଲେ। ଫାଇନାଲରେ ଅଷ୍ଟ୍ରେଲିଆଠାରୁ ହାରି ଭାରତ ରନରଅପ୍ ହୋଇଥିଲା।
ଖେଳରତ୍ନ ପୁରସ୍କାର: ସାତ୍ତ୍ୱିକ ସାଇରାଜ ରାଙ୍କିରେଡ୍ଡୀ ଓ ଚିରାଗ ଶେଟ୍ଟି (ବ୍ୟାଡମିଣ୍ଟନ)।
ଅର୍ଜୁନ ପୁରସ୍କାର: ମହମ୍ମଦ ଶାମି (କ୍ରିକେଟ), ଅଜୟ ରେଡ୍ଡୀ (ଦୃଷ୍ଟିବାଧିତ କ୍ରିକେଟ), ଓଜସ ପ୍ରବୀଣ ଦେଓତାଲେ (ଆର୍ଚେରୀ), ଶୀତଲ ଦେବୀ (ପାରା ଆର୍ଚେରୀ), ପାରୁଲ ଚୌଧାରୀ ଓ ମୁରଲୀ ଶ୍ରୀଶଙ୍କର (ଆଥଲେଟିକ୍ସ), ମହମ୍ମଦ ହୁସାମୁଦ୍ଦିନ (ବକ୍ସିଂ), ଆର. ବୈଶାଳୀ (ଚେସ୍), ଦିବ୍ୟକୀର୍ତ୍ତି ସିଂ ଓ ଅନୁଷ ଅଗ୍ରଓ୍ବାଲା (ଇକ୍ୱିଷ୍ଟ୍ରିଆନ୍), ଦୀକ୍ଷା ଡଗର (ଗଲ୍ଫ), କ୍ରିଷନ୍ ବାହାଦୂର ପାଠକ ଓ ସୁଶୀଳା ଚାନୁ (ହକି), ପିଙ୍କି (ଲନ୍ ବଲ୍), ଐଶ୍ୱର୍ଯ୍ୟ ପ୍ରତାପ ସିଂ ତୋମର (ଶୁଟିଂ), ଅନ୍ତିମ ପଂଘାଲ (କୁସ୍ତି), ଆହିକା ମୁଖାର୍ଜୀ (ଟେବୁଲ ଟେନିସ୍), ନାଓରେମ ରୋଶିବିନା ଦେବୀ (ଉଷୁ)।
ଧ୍ୟାନଚାନ୍ଦ ଲାଇଫ ଟାଇମ ଆଓ୍ବାର୍ଡ: କବିତା (କବାଡ୍ଡି), ମଞ୍ଜୁଷା କନଓ୍ବର (ବ୍ୟାଡମିଣ୍ଟନ), ବୀନିତ କୁମାର ଶର୍ମା (ହକି)।
ଦ୍ରୋଣାଚାର୍ଯ୍ୟ ପୁରସ୍କାର: ଗଣେଷ ପ୍ରଭାକରନ (ମାଲଖମ୍ବ), ମହାବୀର ସିଂ (ପାରା ଆଥଲେଟିକ୍ସ), ଲଳିତ କୁମାର (କୁସ୍ତି), ଆର. ବି. ରମେଶ(ଚେସ୍), ଶିବେନ୍ଦ୍ର ସିଂ(ହକି)।
