ମୁମ୍ବାଇ: ବଲିଉଡ୍ର ଜଣେ ଅଭିନେତ୍ରୀ ସବୁବେଳେ ନିଜର ଫିଟ୍ନେସକୁ ନେଇ ଚର୍ଚ୍ଚାରେ ଥାନ୍ତି। ଆଜିକାଲି ଆଉ ଟିକେ ବେଶି ଚର୍ଚ୍ଚାରେ ରହୁଛନ୍ତି। ସୋସିଆଲ ମିଡିଆରେ ସେ ଶେୟାର କରିଥିବା ଫଟୋକୁ ନେଇ ଏବେ ଖୁବ୍ ଚର୍ଚ୍ଚା। ସେ ଆଉ କେହି ନୁହନ୍ତି, ସୁନ୍ଦରୀ କ୍ୟାଟ୍ରିନା କୈଫ୍। କ୍ୟାଟ୍ ଜିମ୍ ଯାଇ ଖୁବ୍ ପରିଶ୍ରମ କରୁଛନ୍ତି। ଜିମ୍ରେ ସେ ପିଲେଟ୍ ସେସନ ନେଉଥିବା ଦେଖିବାକୁ ମିଳିଛି।
କ୍ୟାଟ୍ କ୍ୟାଫ୍ ରେଡ୍ ଆଉଟ୍ଫିଟ୍ରେ ଓ୍ବାର୍କଆଉଟ୍ କରୁଥିବା ନଜର ଆସିଛନ୍ତି। ତାଙ୍କ ପାଖରେ ଜଣେ ଟ୍ରେନର ଠିଆ ହୋଇ ତାଙ୍କୁ ତାଲିମ ଦେଉଛନ୍ତି। ପିଲେଟ୍ ଜରିଆରେ ମାଂସପେଶୀ ସୁଦୃଢ଼ ହୋଇଥାଏ। ତାଙ୍କ ଓ୍ବାର୍କଆଉଟ୍ ଜଣାପଡୁଛି ସେ କେଉଁ ଫିଲ୍ମରେ ଏକ ଜବରଦସ୍ତ ଭୂମିକାରେ ଆସିବେ। ତେଣୁ ତାଙ୍କୁ ଏପରି କଠିନ ପରିଶ୍ରମ କରିବାକୁ ପଡୁଛି। କୁହାଯାଉଛି, ସଲମାନଙ୍କ ସହିତ ଟାଇଗର-୩ରେ ସେ ନଜର ଆସିବେ।
ସ୍ମରଣଯୋଗ୍ୟ, ୨୦୧୨ରେ ଟାଇଗର ଫିଲ୍ମରେ ସଲମାନ ଏବଂ କ୍ୟାଟ୍ରିନାଙ୍କୁ ଦେଖିବାକୁ ମିଳିଥିଲା। ଏହି ଫିଲ୍ମରେ କବୀର ଖାନ୍ ନିର୍ଦ୍ଦେଶନା ଦେଇଥିଲେ। ଫିଲ୍ମଟି ବ୍ଲକବଷ୍ଟର ହିଟ୍ ହୋଇଥିଲା। ଏହା ବକ୍ସ ଅଫିସରେ ୩୨୦ କୋଟି ବ୍ୟବସାୟ କରିଥିଲା। ଏହା ପରେ ୨୦୧୭ରେ ସଲମାନଙ୍କ ସହ ଫିଲ୍ମ ‘ଟାଇଗର ଜିନ୍ଦା’ରେ ବି କ୍ୟାଟ୍ ନଜର ଆସିଥିଲେ। ଏବେ କୁହାଯାଉଛି ଟାଇଗର-୩ ଆସିବ। ଏଥିରେ ଅଲୀ ଅବାସ ନିର୍ଦ୍ଦେଶନା ଦେବେ। କ୍ୟାଟ୍ରିନା ଏହି ଅପ୍କମିଙ୍ଗ ଫିଲ୍ମ ପାଇଁ ନିଜକୁ ପ୍ରସ୍ତୁତ କରୁଛନ୍ତି।
