ମୁମ୍ବାଇ, ୧।୪: ବ୍ୟାଙ୍କକ୍-ମୁମ୍ବାଇ ଇଣ୍ଡିଗୋ ୬ଇ-୧୦୫୨ ବିମାନରେ ଜଣେ କ୍ରିଉ ମେମ୍ବରଙ୍କୁ ଅସଦାଚରଣ କରିଥିବା ଅଭିଯୋଗରେ ଗୁରୁବାର ଜଣେ ସ୍ବିଡେନ ନାଗରିକଙ୍କୁ ଗିରଫ କରାଯାଇଛି। ସେ ହେଲେ କ୍ଲାସ ଏରିକ ହାରାଲ୍ଡ ଜୋନାସ(୬୨)। ଇଣ୍ଡିଗୋର ଅଭିଯୋଗ ଅନୁଯାୟୀ, ବ୍ୟକ୍ତି ଜଣଙ୍କ ମଦ୍ୟପାନ କରିଥିଲେ ଏବଂ ଖାଦ୍ୟ କ୍ରୟ ପାଇଁ ପେମେଣ୍ଟ କରୁଥିବା ବେଳେ ଖରାପ ଉଦ୍ଦେଶ୍ୟରେ କ୍ରିଉ ମେମ୍ବରଙ୍କ ହାତକୁ ଧରିପକାଇଥିଲେ। ପ୍ରତିବାଦ କରିବାରୁ କ୍ଲାସ ଏରିକ ସିଟ୍ରୁ ଉଠିପଡି ଅନ୍ୟ ଯାତ୍ରୀମାନଙ୍କ ସମ୍ମୁଖରେ ତାଙ୍କ ସହିତ ଅସଦାଚରଣ କରିଥିଲେ। ତେବେ ବିମାନଟି ମୁମ୍ବାଇରେ ଅବତରଣ କରିବା ପରେ କ୍ଲାସ ଏରିକଙ୍କୁ ପୋଲିସ ଗିରଫ କରିଥିଲା।