ଫୁଡ ଡେଲିଭରି କମ୍ପାନୀ ଭାବେ ପରିଚିତ ସ୍ବିଗି ତାଙ୍କ ଗ୍ରାହକଙ୍କୁ ଠିକ୍ ସମୟରେ ଫୁଡ ଡେଲିଭରି କରି ଲୋକପ୍ରିୟ ହୋଇପାରିଛି। ବେଳେବେଳେ ସ୍ବିଗି ନିଜ ଗ୍ରାହକଙ୍କୁ ଫୁଡ ଡେଲିଭରି ସହ ଆକର୍ଷଣୀୟ ଅଫର ମଧ୍ୟ ଦେଇଥାଏ। ଯେପରି ଖାଦ୍ୟରେ ଡିସକାଉଣ୍ଟ ଦେବା ସହ ବଜେଟ୍ ଫ୍ରେଣ୍ଡଲି ଖାଦ୍ୟରେ କିଛି ଡ୍ରିଙ୍କସ ଅଫର ମଧ୍ୟ କରିଥାଏ। ନିକଟରେ ସ୍ବିଗି ଇନଷ୍ଟାମାର୍ଟ ଦ୍ୱାରା ଏପରି କିଛି ମାମଲା ସାମ୍ନାକୁ ଆସିଛି ଯାହାକୁ ଦେଖି ଆପଣ ନ ହସି ରହିପାରିବେନି।
ସ୍ବିଗି ଇନଷ୍ଟାମାର୍ଟ ସୋସିଆଲ ମିଡିଆ ଏକ୍ସରେ ଏକ ଟ୍ବିଟ କରଥିଲା। ପୋଷ୍ଟ କରି ସ୍ବିଗି କହିଛି, ଏହି ବର୍ଷରେ ଆପଣ କେଉଁ ଜିନିଷ କିଣି ପାରି ନାହାନ୍ତି, ତାହା ଆମକୁ ଜଣାନ୍ତୁ। ଆମେ ଆପଣଙ୍କ ପାଖରେ ପହଞ୍ଚାଇବାକୁ ଚେଷ୍ଟା କରିବୁ। ସ୍ବିଗି ଇନଷ୍ଟାମାର୍ଟର ଏହି ପୋଷ୍ଟରେ ବହୁ ୟୁଜର୍ସ କମେଣ୍ଟ ମଧ୍ୟ କରିଥିଲେ। ସେଥିରେ @kanjarkalesh ନାମକ ଆଇଡିରୁ ହିମାଶୁଂ ବଂଶଲ ନାମକୁ ବ୍ୟକ୍ତି କମେଣ୍ଟରେ ଏକ ମଜାଳିଆ କେଣ୍ଟେ ଦେଇଥିଲେ। ସେଥିରେ ସେ କହିଥିଲେ ଯେ, ବର୍ଷ ଶେଷ ପୂର୍ବରୁ ମୁଁ ଗରମ ଅନୁଭବ କରିବାକୁ ଚାହୁଁଛି।
ବାସ୍! ଘର ଆଗରେ ପହଞ୍ଚିଗଲା ସ୍ବିଗି। ସେ ବି ଭିନ୍ନ ଢଙ୍ଗରେ। ହିମାଶୁଂଙ୍କ ଇଛା ପୂରଣ ପାଇଁ ସ୍ବିଗି ଇନଷ୍ଟାମାର୍ଟର ଟିମ୍ ତାଙ୍କ ଘରେ ପହଞ୍ଚି ତାଙ୍କୁ ଗରମ ଲାଗିବା ପାଇଁ ହିଟର୍ ଉପହାର ଦେଇଛନ୍ତି। ତେବେ ତାଙ୍କ ପାଇଁ ସରପ୍ରାଇଜ କେବଳ ଏତିକି ନ ଥିଲା, ସ୍ବିଗି ଏଜେଣ୍ଟ ଉପହାର ସହ ବ୍ୟାଣ୍ଡ-ବାଜା ନେଇ ତାଙ୍କ ଘରକୁ ଆସିଥିଲେ। ଖାସ୍ ଅନ୍ଦାଜରେ ତାଙ୍କ ଘରେ ଅଗରେ ବ୍ୟାଣ୍ଡ-ବାଜା ବଜେଇବା ସହ ହିମାଶୁଂ ଘରୁ ବାହରିବା କ୍ଷଣି ତାଙ୍କୁ ଫୁଲମାଳ ମଧ୍ୟ ପିନ୍ଧାଇଥିଲେ। ସ୍ବିଗି ଇନଷ୍ଟାମାର୍ଟ ଏହି ଦୃଶ୍ୟର ଭିଡିଓ ସୋସିଆଲ ମିଡିଆ ଏକ୍ସରେ ପୋଷ୍ଟ କରିଛି। ଭିଡିଓ ଦେଖି ଅନ୍ୟ ୟୁଜର୍ସ ମଧ୍ୟ କମେଣ୍ଟରେ ସେମାନଙ୍କ ଓ୍ବିସ ସ୍ବିଗିକୁ ଜଣେଇବାରେ ଲାଗିଛନ୍ତି।