ଅହମ୍ମଦାବାଦ୍,୨।୧: ଦୀନେଶ କାର୍ତ୍ତିକଙ୍କ ନେତୃତ୍ୱାଧୀନ ତାମିଲନାଡୁ ଚଳିତ ଥର ସୟଦ ମୁସ୍ତାକ ଅଲି ଟି୨୦ ଟ୍ରଫି ହାତେଇଛି। ଅହମ୍ମଦାବାଦଠାରେ ରବିବାର ଅନୁଷ୍ଠିତ ଫାଇନାଲରେ ତାମିଲନାଡୁ ୭ ଉଇକେଟରେ ବଦୋଦରାକୁ ହରାଇ ହାସଲ କରିଛି ଏହି ସଫଳତା। ଚଳିତ ସିଜନରେ ପ୍ରଥମ ମ୍ୟାଚ୍ ଖେଳିଥିବା ଏମ୍. ସିଦ୍ଧାର୍ଥଙ୍କ ଘାତକ ବୋଲିଂ ଯୋଗୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା ବଦୋଦରା। ଏହି ଦଳ ପୂରା ୨୦ ଓଭରରେ ୯ ଉଇକେଟ ହରାଇ ମାତ୍ର ୧୨୦ ରନ୍ କରିବାକୁ ସକ୍ଷମ ହୋଇଥିଲା। ତାମିଲନାଡୁ ପକ୍ଷରୁ ସିଦ୍ଧାର୍ଥ ସର୍ବାଧିକ ୪ ଉଇକେଟ ହାତେଇଥିଲେ। ଜବାବରେ ମିଳିତ ବ୍ୟାଟିଂ ପ୍ରଦର୍ଶନ ବଳରେ ତାମିଲନାଡୁ ୧୮ ଓଭରରେ ୩ ଉଇକେଟ ହରାଇ ହାସଲ କରି ନେଇଥିଲା ବିଜୟଲକ୍ଷ୍ୟ। ବିଜୟୀ ଦଳ ପକ୍ଷରୁ ହରି ନିଶାନ୍ଥ ୨୫, ବାବା ଅପରାଜିତ ୨୯* ରନ୍ କରିଥିଲେ।