ଟି-୨୦ ବିଶ୍ୱକପ୍ ଚାମ୍ପିୟନ୍ ଦଳକୁ ମିଳିବ ପୁଳାପୁଳା ଟଙ୍କା: ଜାଣିଲେ ହୋଇଯିବେ ଆଶ୍ଚର୍ଯ୍ୟ
07 ନୂଆଦିଲ୍ଲୀ,୩୧।୫: ଟି-୨୦ ବିଶ୍ୱକପ ଆରମ୍ଭ ହେବାକୁ ଆଉ ଗୋଟିଏ ଦିନ ବାକି ଅଛି। ଏହି ଟୁର୍ନାମେଣ୍ଟ ଜୁନ ୧ରୁ ଆରମ୍ଭ ହେଉଛି। ଏଥର ଟି-୨୦ ବିଶ୍ୱକପ ଆମେରିକା ଏବଂ ୱେଷ୍ଟଇଣ୍ଡିଜ ଦ୍ୱାରା ଆୟୋଜିତ ହେବ। ଆମେରିକାର ନ୍ୟୁୟର୍କରେ ପହଞ୍ଚିବା ପରେ ଟିମ ଇଣ୍ଡିଆ ଅଭ୍ୟାସ ଆରମ୍ଭ କରିଛି। ଆଇପିଏଲ ୨୦୨୪ ଶେଷ ହୋଇଛି, ଯେଉଁଥିରେ ଟାଇଟଲ ବିଜେତା କେକେଆର୍ ଏବଂ ରନର୍ ଅପ ହାଇଦ୍ରାବାଦ କୋଟି କୋଟି ଟଙ୍କାର ପୁରସ୍କାର ରାଶି ପାଇଛି। ତେବେ ଟି-୨୦ ବିଶ୍ୱକପ ୨୦୨୪ ଟାଇଟଲ ଜିତୁଥିବା ଏବଂ ରନର୍ ଅପ ଦଳ କେତେ ପୁରସ୍କାର ରାଶି ପାଇବ?
ତେବେ ୨୦୨୪ ବିଶ୍ୱକପ ପାଇଁ ପୁରସ୍କାର ରାଶି ଏପର୍ଯ୍ୟନ୍ତ ସରକାରୀ ଭାବେ ଘୋଷଣା କରାଯାଇ ନାହିଁ। କିନ୍ତୁ ଯଦି ସମାନ ପୁରସ୍କାର ରାଶି ପୂର୍ବ ଅର୍ଥାତ୍ ୨୦୨୨ ଟି-୨୦ ବିଶ୍ୱକପ ପରି ଦିଆଯାଏ, ତେବେ ବିଜେତା ଦଳ ୫.୬ ମିଲିୟନ ଟଙ୍କା ମିଳିବ।
ଆଇସିସି ୨୦୨୨ ଟି-୨୦ ବିଶ୍ୱକପ ପାଇଁ ମୋଟ ପୁରସ୍କାର ରାଶି ୫.୬ ମିଲିୟନ ଡଲାରରେ ରଖିଥିଲା, ଯାହାକି ଭାରତୀୟ ଟଙ୍କା ପାଖାପାଖି ୪୬.୬ କୋଟି ଟଙ୍କା। ଯଦିଓ ଶେଷ ସଂସ୍କରଣରେ ୧୬ଟି ଦଳ ଅଂଶଗ୍ରହଣ କରିଥିଲେ, ଏଥର ସମୁଦାୟ ୨୦ଟି ଦଳ ଅଂଶଗ୍ରହଣ କରୁଛନ୍ତି। ୨୦୨୨ରେ ଟାଇଟଲ ଜିତିଥିବା ଇଂଲଣ୍ଡକୁ ପ୍ରାୟ ୧୩ କୋଟି ଟଙ୍କା ମିଳିଥିବାବେଳେ ରନର୍ସଅପ ଶେଷ କରିଥିବା ପାକିସ୍ତାନକୁ ୬.୪୪ କୋଟି ଟଙ୍କା ଦିଆଯାଇଥିଲା।
ବିଜେତା ଏବଂ ରନର୍ସ ଅପ ବ୍ୟତୀତ ଟପ-୪ରେ ପହଞ୍ଚିଥିବା ଦଳକୁ କୋଟି କୋଟି ଟଙ୍କା ମଧ୍ୟ ଦିଆଯାଇଥିଲା, ଯେଉଁଥିରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟ ସାମିଲ ହୋଇଥିଲେ। ଉଭୟ ଦଳ ୩.୨୫ କୋଟି ଟଙ୍କା ପାଇଥିଲେ। ଏହା ବ୍ୟତୀତ ସୁପର ୧୨ ଏବଂ ସୁପର ୮ରେ ପହଞ୍ଚିଥିବା ଦଳଗୁଡିକ ମଧ୍ୟ ପୁରସ୍କାର ରାଶି ପାଇଥିଲେ।
୨୦୨୨ ଟି-୨୦ ବିଶ୍ୱକପରେ ଇଂଲଣ୍ଡ ପାକିସ୍ତାନକୁ ପରାସ୍ତ କରି ଟାଇଟଲ ଜିତିଥିଲା। ସେମିଫାଇନାଲରେ ହାରିଯିବା ପରେ ଭାରତ ଫାଇନାଲ୍ରୁ ବାଦ୍ ପଡିଥିଲା।