ନଟିଂହାମ୍, ୧୮ା୭ (ଏପି)-ବାବର ଆଜାମ ଓ ମହମ୍ମଦ ରିଜଓ୍ବାନ ପ୍ରଥମ ଉଇକେଟରେ ୧୫ ଓଭରରେ ୧୫୦ ରନ ଯୋଗ କରିବାରୁ ସ୍ଥାନୀୟ ଟେଣ୍ଟବ୍ରିଜ୍ଠାରେ ଅନୁଷ୍ଠିତ ପ୍ରଥମ ଟି୨୦ କ୍ରିକେଟ ମ୍ୟାଚରେ ପାକିସ୍ତାନ ୩୧ ରନରେ ଇଂଲଣ୍ଡକୁ ପରାସ୍ତ କରିଛି। ଅଧିନାୟକ ଆଜାମ ୪୯ ବଲ୍ରୁ ୮୫ ଏବଂ ରିଜଓ୍ବାନ ୪୧ ବଲ୍ରୁ ୬୩ରନ କରିଥିଲେ। ପାକିସ୍ତାନ ନିର୍ଦ୍ଧାରିତ ଓଭରରେ ରେକର୍ଡ ୨୩୨/୬ ସ୍କୋର କରିଥିଲା। ଜବାବରେ ବ୍ୟାଟିଂ କରିବାକୁ ଯାଇ ଇଂଲଣ୍ଡ ପ୍ରଥମ ୭ ଓଭରରେ ୪ଉଇକେଟ ହରାଇ ସଂକଟରେ ପଡ଼ିଥିଲା। ଲିଆମ ଲିଭିଂଷ୍ଟୋନ୍ ତାଙ୍କ କ୍ୟାରିୟରର ଶ୍ରେଷ୍ଠ ୧୦୩ ରନ ସଂଗ୍ରହ କରି ଦଳ ପାଇଁ ସମ୍ଭାବନା ସୃଷ୍ଟି କରିଥିଲେ। ତେବେ ୧୭ତମ ଓଭରରେ ସେ ୭ମ ବ୍ୟାଟ୍ସମ୍ୟାନ ଭାବେ ଆଉଟ ହେବାପରେ ଇଂଲଣ୍ଡ ୪ ବଲ୍ ବାକିଥାଇ ୨୦୧ରନରେ ଅଲଆଉଟ ହୋଇଯାଇଥିଲା।
ସଂକ୍ଷିପ୍ତ ସ୍କୋର
ପାକିସ୍ତାନ : ୨୦ ଓଭରରେ ୨୩୨/୬ (ବାବର ଆଜାମ-୮୫, ରିଜଓ୍ବାନ-୬୩, ଫଖର ଜମାନ-୨୬; ଟମ୍ କୁରାନ-୨/୪୭)।
ଇଂଲଣ୍ଡ: ୧୯.୨ ଓଭରରେ ୨୦୧/ଅଲଆଉଟ (ଲିଭିଂଷ୍ଟୋନ୍-୧୦୩, ଜାସନ ରୟ-୩୨; ସାହିନ ଆଫ୍ରିଦୀ-୩/୩୦, ସାଦାବ ଖାଁ-୩/୫୨)।