ନୂଆଦିଲ୍ଲୀ,୧୧।୯: ଆସନ୍ତା ମାସରୁ ଆରମ୍ଭ ହେବାକୁ ଯାଉଛି ଟି୨୦ ବିଶ୍ୱକପ୍। ୨୩ ଅକ୍ଟୋବରରୁ ମ୍ୟାଚ୍ ଆରମ୍ଭ ହେବାକୁ ଥିବା ବେଳେ ଅକ୍ଟୋବର ୧୭ରୁ ଯୋଗ୍ୟତା ମ୍ୟାଚ୍ ଆରମ୍ଭ ହେବ। ଟୁର୍ନାମେଣ୍ଟରେ ୧୨ ଟିମ୍ ଭାଗ ନେଉଛନ୍ତି। ସେମାନଙ୍କୁ ଦୁଇ ଭିନ୍ନ ଭିନ୍ନ ଗ୍ରୁପ୍ରେ ବଣ୍ଟାଯାଇଛି। ଆଇସିସିର ଟି-୨୦ ର଼୍ୟାଙ୍କିଂର ଶ୍ରେଷ୍ଠ ୮ ଟିମ୍ ଛଡ଼ା କ୍ୱାଲିଫାୟାର ରାଉଣ୍ଡରୁ ୪ ଟିମ୍ଙ୍କ ଚୟନ କରାଯିବ।
ସୁପର୍ ୧୨ରେ ସ୍ଥାନ ପାଇବା ପାଇଁ ପ୍ରଥମ ରାଉଣ୍ଡରେ ୮ ଟିମ୍ ଯୋଗ୍ୟତା ମ୍ୟାଚ୍ ଖେଳିବେ। ଏହି ଟିମ୍କୁ ଗ୍ରୁପ୍ ଏ ଏବଂ ଗ୍ରୁପ୍ ବିରେ ବିଭକ୍ତ କରାଯାଇଛି। ଉଭୟ ଟିମ୍ର ଶ୍ରେଷ୍ଠ ୨ ଟିମ୍ ସୁପର ୧୨ରେ ସ୍ଥାନ ପାଇବେ। ଆୟରଲ୍ୟାଣ୍ଡ, ନେଦରଲ୍ୟାଣ୍ଡ, ନାମିଭିଆ, ଶ୍ରୀଲଙ୍କା ସହ ଗ୍ରୁପ୍ ଏରେ ଥିବା ବେଳେ ଓମାନ୍, ପିଏନ୍ଜି, ସ୍କଟ୍ଲ୍ୟାଣ୍ଡ ଏବଂ ବାଂଲାଦେଶ ଗ୍ରୁପ୍ ବିରେ ଅଛନ୍ତି।
ଏହାଛଡ଼ା ଲିଗ୍ ଷ୍ଟେଜ୍ ପାଇଁ ଗ୍ରୁପ୍ ଏରେ ଇଂଲଣ୍ଡ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା, ଓ୍ବେଷ୍ଟଇଣ୍ଡିଜ୍, ଏ୧(ଗ୍ରୁପ୍ ଏର ଟପ୍ ଟିମ୍) ଏବଂ ବି୨(ଗ୍ରୁପ୍ ବିର ଦ୍ୱିତୀୟ ନମ୍ବର ଟିମ୍) ହେବ। ସେହିଭଳି ଗ୍ରୁପ୍ ୨ରେ ଭାରତ, ପାକିସ୍ତାନ, ନ୍ୟୁଜିଲ୍ୟାଣ୍ଡ, ଆଫଗାନିସ୍ତାନ, ଏ୨(ଗ୍ରୁପ୍ ଏର ଦ୍ୱିତୀୟ ନମ୍ବର ଟିମ୍) ଏବଂ ବି୧(ଗ୍ରୁପ୍ ବିର ଟପ୍ ଟିମ୍) ହେବ।
କେବେ-କେଉଁ ଟିମ୍ ସହ ରହିଛି ଭାରତର ମ୍ୟାଚ୍:
-ଅକ୍ଟୋବର ୨୪- ଭାରତ ବନାମ ପାକିସ୍ତାନ(ସନ୍ଧ୍ୟା ୭.୩୦ ମିନିଟ୍, ଦୁବାଇ)
-ଅକ୍ଟୋବର ୩୧- ଭାରତ ବନାମ ନ୍ୟୁଜିଲାଣ୍ଡ(ସନ୍ଧ୍ୟା ୭.୩୦ ମିନିଟ୍, ଦୁବାଇ)
– ନଭେମ୍ବର ୩- ଭାରତ ବନାମ ଆଫଗାନିସ୍ତାନ( (ସନ୍ଧ୍ୟା ୭.୩୦ ମିନିଟ୍, ଆବୁଧାବୀ)
-ନଭେମ୍ବର ୫- ଭାରତ ବନାମ ବି୧(ସନ୍ଧ୍ୟା ୭.୩୦ ମିନିଟ୍, ଦୁବାଇ)
-ନଭେମ୍ବର ୮-ଭାରତ ବନାମ ଏ୨(ସନ୍ଧ୍ୟା ୭.୩୦ ମିନିଟ୍, ଦୁବାଇ)
ନଭେମ୍ବର ୧୦ ଓ ୧୧ରେ ଉଭୟ ସେମିଫାଇନାଲ ମୁକାବିଲା ଖେଳାଯିବ। ସେହିଭଳି ନଭେମ୍ବର ୧୪ରେ ଟୁର୍ନାମେଣ୍ଟର ଫାଇନାଲ ମ୍ୟାଚ୍ ଖେଳାଯିବ।