ମୁମ୍ବାଇ: ବଲିଉଡ୍ର ଚୁଲବୁଲି ନାୟିକା ତାପସୀ ପନ୍ନୁ ସୋସିଆଲ ମିଡିଆରେ ଖୁବ୍ ଆକ୍ଟିଭ। ନିକଟରେ ସେ ତାଙ୍କର ଏକ ଫଟୋ ଶେୟାର କରି ବିଗତ ଦିନର ଅନୁଭୂତି ସମ୍ପର୍କରେ କହିଛନ୍ତି। ଅସଲରେ ସେ ସୁଇମିଂ କରିବାକୁ ଖୁବ୍ ଭୟ କରନ୍ତି। ସେ ଯେତେବେଳେ ଛୋଟ ଥିଲେ ସେତେବେଳେ ସେ ସୁଇମିଂ ପୁଲ୍ରେ ବୁଡୁ ବୁଡୁ ବଞ୍ଚି ଯାଇଥିଲେ। ଆଉ ତା’ପରଠାରୁ ସେ ସୁଇମିଂ କରିବାକୁ ଭୟ କରନ୍ତି ବୋଲି କହିଛନ୍ତି। ତେବେ ଏକ ବିଜ୍ଞାପନର ଶୁଟିଂ ସମୟରେ ଶୁଇମିଂ ପୁଲରେ ନଜର ଆସିଛନ୍ତି ତାପସୀ। ଆଉ ଏହି ଫଟୋକୁ ନେଇ ସେ ଲେଖିଛନ୍ତି ଏବେ ସୁଇମିଂ ପୁଲରେ ସୁଇମିଂ କରିବା ମୋ ପାଇଁ ସାଧାରଣ କଥା। ହେଲେ ଅତିତରେ ଏମିତି ନ ଥିଲା। କାରଣ ସେ ବୁଡି ଯାଇଥିବାରୁ ସୁଇମିଂ କରିବାକୁ ଡରୁଥିଲେ। କିନ୍ତୁ ୯ ବର୍ଷ ପୂର୍ବେ ସେ ସୁଇମିଂ ଟ୍ରେନିଂ ନେଇଥିବାରୁ ଏବେ ତାଙ୍କୁ ଆଉ ପହଁରିବାକୁ ଭୟ ଲାଗୁନାହିଁ। ଯଦିଓ ସେ ଛୋଟ ପିଲାମାନଙ୍କ ସହ ସୁଇମିଂ ଶିକ୍ଷା କରିଛନ୍ତି ଏହା କିନ୍ତୁ ତାଙ୍କୁ କିଛି ଅଲଗା ଲାଗିନାହିଁ ବୋଲି କୁହନ୍ତି ଏହି ନାୟିକା। ତାଙ୍କ ମତରେ ଶିକ୍ଷାର କୌଣସି ବୟସ ନ ଥାଏ କେବଳ ଆଗ୍ରହ ଥିବା ଜରୁରୀ।