ମୁମ୍ବାଇ, ୮।୩ : ଅଭିନେତ୍ରୀ ତାପସୀ ପନ୍ନୁଙ୍କ ଘର ଉପରେ ଗତ ସପ୍ତାହରେ ଚଢ଼ାଉ କରିଥିଲା ଆୟକର ବିଭାଗ (ଆଇଟି)। ଏ ସମ୍ପର୍କରେ ସୋମବାର ପ୍ରଥମ ଥର ମୁହଁ ଖୋଲିଛନ୍ତି ତାପସୀ। ” ମୋର ଡରିବାର କିଛି ନାହିଁ। କ’ଣ ପାଇଁ ଚଢ଼ାଉ ହୋଇଥିଲା, ମୋତେ ଜଣା ନାହିଁ। ଯଦି କିଛି ଭୁଲ କରିଛି, ତେବେ ମୁଁ ଦଣ୍ଡ ଭୋଗିବି “ ବୋଲି ଏକ ଜାତୀୟ ଗଣମାଧ୍ୟମକୁ ସାକ୍ଷାତ୍କାର ଦେଇ କହିଛନ୍ତି।
୩୩ ବର୍ଷୀୟା ଆକ୍ଟ୍ରେସ କହିଛନ୍ତି, ମୁଁ ଓ ମୋ ପରିବାର ଆଇଟି ବିଭାଗର କର୍ମକର୍ତ୍ତାଙ୍କୁ ସମ୍ପୂର୍ଣ୍ଣ ସହଯୋଗ କରିଥିଲେ। ମୁଁ ସମସ୍ତ ପ୍ରଶ୍ନର ଉତ୍ତର ଦେଇଥିଲି। ମୁଁ କିଛି ଭୁଲ କରିଥିଲେ ଚଢ଼ାଉରୁ ଜଣାପଡ଼ି ଯାଇଥାନ୍ତା। ମୁଁ କିଛି ଭୁଲ କରି ନାହିଁ, ତ ଲୁଚାଇବି କ’ଣ। ଯଦି ସେମାନଙ୍କୁ ମୋ ବିରୋଧରେ କିଛି ମିଳିଛି, ତେବେ ମୁଁ ବହୁତ ଖୁସି ହେବି। ଏହା ଆଇନର ଘର ବୋଲି ସେ କହିଛନ୍ତି।
ଚଢ଼ାଉ ବେଳେ ତାଙ୍କ ଘରୁ ୫ କୋଟି ଟଙ୍କା ସହ ପ୍ୟାରିସରେ ତାଙ୍କର ବାଙ୍ଗ୍ଲୋ ଥିବା ଜଣାପଡ଼ିଥିବା କିଛି ଗଣମଧ୍ୟମ ରିପୋର୍ଟରେ ଦାବି କରାଯାଇଥିଲା। ଉଲ୍ଲେଖଥାଉ କି, ଗତ ୩ ତାରିଖରେ ତାପସୀ ଓ ଫିଲ୍ମ ନିର୍ମାତା ଅନୁରାଗ କାଶ୍ୟପଙ୍କ ଘର ଓ ଅଫିସ ସମେତ ୩୦ଟି ସ୍ଥାନରେ ଚଢ଼ାଇ କରିଥିଲା ଆଇଟି ବିଭାଗ।