ହରାରେ, ୭ା୫ : ଯେଉଁ ବୟସରେ ପ୍ରାୟ କ୍ରିକେଟର ଅବସର ଘୋଷଣା କରନ୍ତି, ସେହି ବୟସରେ ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଛନ୍ତି ପାକିସ୍ତାନ ପେସର ତାବିଶ ଖାଁ। ଏଠାରେ ଜିମ୍ବାଓ୍ବେ ବିପକ୍ଷରେ ଶୁକ୍ରବାରଠାରୁ ଆରମ୍ଭ ହୋଇଥିବା ଦ୍ୱିତୀୟ ଟେଷ୍ଟରେ ପଦାର୍ପଣ ସୁଯୋଗ ପାଇଛନ୍ତି ୩୬ ବର୍ଷୀୟ ତାବିଶ। ଆଧୁନିକ କ୍ରିକେଟରେ ପଦାର୍ପଣ କରିବାରେ ସେ ପାକିସ୍ତାନର ବୟୋଜ୍ୟେଷ୍ଠ ବୋଲର।
ତାଙ୍କୁ ଦଳର ମୁଖ୍ୟ କୋଚ୍ ମିଶବା ଉଲ ହକ୍ ଟେଷ୍ଟ କ୍ୟାପ ପ୍ରଦାନ କରିଥିଲେ। ପ୍ରଥମ ଶ୍ରେଣୀ କ୍ୟାରିୟରର ଆରମ୍ଭ କରିବାର ଦୀର୍ଘ ୧୮ ବର୍ଷ ପରେ ତାଙ୍କୁ ମିଳିଛି ଟେଷ୍ଟ ପଦାର୍ପଣ ସୁଯୋଗ। ପ୍ରଥମ ଶ୍ରେଣୀ କ୍ରିକେଟରେ ୧୩୭ ମ୍ୟାଚ୍ ଖେଳିଥିବା ତାବିଶଙ୍କ ନାମରେ ରହିଛି ୫୯୮ ଉଇକେଟ।