ବମ୍ବେ: ଜଣେ ଲୋକପ୍ରିୟ ଅଭିନେତ୍ରୀ, ପ୍ରଖ୍ୟାତ ନୃତ୍ୟଶିଳ୍ପୀ, ମହିଳା ଉଦ୍ୟୋଗୀ ଏବଂ ଫିଟ୍ନେସ୍ ଫ୍ରିକ୍ ଭାବେ ତବ୍ବୁ ଜଣାଶୁଣା। ଏହି ବଲିଉଡ୍ ଅଭିନେତ୍ରୀଙ୍କ କ୍ରେଜ୍ ଆଜି ବି ପୂର୍ବଭଳି ରହିଛି। ୫୧ ବର୍ଷରେ ବି ସେ ଅନ୍ୟ ଅଭିନେତ୍ରୀଙ୍କୁ ଟକ୍କର ଦେଉଛନ୍ତି। ଅଭିନୟ ସାଙ୍ଗକୁ ରୋଜଗାର ମାମଲାରେ ମଧ୍ୟ ଅନ୍ୟଠାରୁ ବହୁତ ଆଗରେ ସେ। ଦାମୀ ବଙ୍ଗଳା ସାଙ୍ଗକୁ କାରର ସଉକ ଅଛି ତାଙ୍କର। ଆଜି ତାଙ୍କ ଜନ୍ମଦିନ ଉପଲକ୍ଷେ ଆସନ୍ତୁ ଜାଣିବା ସମ୍ପତ୍ତି, ରୋଜଗାର ଭଳି ଅନେକ କିଛି…
ଫିଲ୍ମ ପିଛା ୨ରୁ ୪ କୋଟି ଟଙ୍କା ଚାର୍ଜ କରନ୍ତି ତବ୍ବୁ। ବିଭିନ୍ନ ଷ୍ଟେଜ୍ ଶୋ’ରୁ ମଧ୍ୟ ରୋଚଗାର କରିଥାନ୍ତି ସେ। ଏହାଛଡ଼ା ନିଜର ମେକ୍ଅପ୍ ବ୍ରାଣ୍ଡ ମଧ୍ୟ ତବ୍ବୁଙ୍କ ରହିଛି।
ସାମାଜିକ କାର୍ଯ୍ୟରେ ମଧ୍ୟ ତବ୍ବୁ ଜଡ଼ିତ ଅଛନ୍ତି। କନ୍ୟା ଭ୍ରୁଣ ହତ୍ୟା ରୋକିବାଠାରୁ ଆରମ୍ଭ କରି ପୀଡ଼ିତ କନ୍ୟାଙ୍କୁ ରକ୍ଷା କରିବାକୁ ନେଇ ସେ କାମ କରୁଛନ୍ତି।
୧୯୭୦ ନଭେମ୍ବର ୪ରେ ହାଇଦ୍ରାବାଦରେ ତବ୍ବୁଙ୍କ ଜନ୍ମ। ପିତାଙ୍କ ଟ୍ରାନ୍ସଫର ଚାକିରି ଯୋଗୁ ତବ୍ବୁ ଠିକ୍ ଭାବେ ପଢ଼ିପାରି ନ ଥିଲେ। ବିଶେଷକରି ଘରେ ରହି ସେ ପାଠ ପଢ଼ୁଥିଲେ। ଏବେ ଯାଏ ସେ ବିବାହ କରିନାହାନ୍ତି। ହେଲେ ବିଗତ ଦିନରେ ଅଜୟ ଦେବଗନଙ୍କ ସହ ତାଙ୍କ ସମ୍ପର୍କ ଚର୍ଚ୍ଚାରେ ରହିଥିଲେ।
